|
"MESXEPE OKORTURAS DOVOBARGATEN…"
Okorturaşi P’roblemoni Raionepeşi Naziri Giorgi Xaindrava, Turketişa moxtu. Xaindrava, Mesxeti, Abxazeti do 3’alentuna Osetişi p’roblemepeşi on3’uranu şeni k’ont’akt’obape qu.
Na golaxtu ndğalepes Mesxi 3iviluri ini3iat’uri k’oçepe k’ala ğarğalu. Xaindrava, “ Turketi çkinda mteli xolo speros mxuci na momçapan ar dost'i tere ren. Akonaşis na vore şeni dido xeleberi vore. Soviet’uri periodis Sarpişen Turketişa var i3’komilet’u do k’oçi k’odesis moloxunap’t’es. A3’i na moptit ndğalepes o3’k’edit, çkin ak voret, megabre ar teres voret.” ya tku.
Mp’olis ar-jur k’ont’akt’i quşk’ule İnegolişa na idu Xaindrava, ”Turketis cuma çkinepe na renan, Mesxepe, Abxazepe do Osepe k’ala bğarğalatminonan, entepe Okorturaşi uok'ortu unsurepe renan. Çkin tere çkinişi letaş artoba do milleti çkinişi k’aoba minonan. Okorturaşi mteli unsurepe k’ala artoboni qoropaten pskidatminonan.” ya tku.
Meç’irolobaten terepe mutepeşişen na itxozines Mesxepes Okorturaşa uk’uiniktan yado vixandept ya tku Xaindravak, ” Çkin Mesxi cumalepe çkinişa Okorturaşi dobadonamşinoba mepçaten do entepe Okorturaşi ar sotxani svaşa dovobargaten. Entepeti çkini dobadonamşinepe renan, çkin devleturot aya p’aminonan, oxvenu na mç’irnanpe ordoşen p’atminonan. Okortura demok’rat’iuri ar tere ren, Mesxi cumalepe çkinepek na unonan svaşa dibargan.” ya tku.
|
TÜRKÇE
