|
AR FİLMİ: "DONDURMAM GAYMAK"
Ali ust’ak Muğlaşi zoğap’icuri ç’it’a noğas maqinişiloba oxvenuten skidun. Mcveşi t’radi3ialuri st’iliten maqinişiloba na ikips do mağazia muşis na gamaçaps Ali ust’as, didi maqinişilobaşi k’omp’aniapeşa nodginuten baba muşişi dulya oskedinus naç’iren. Am sebebiten, bank’aşen k’redi eç’opups. Am k’reditenti ç’it’a skit’a ar mot’o3ikli eç’opups. Mot’o3ikli muşi, qinişi gamaçamu şeni, romork’i do ak’sesuarepeten mo3’ipxups. Ar lok’aluri t’eleviziaşati muşi qinişiş rek’lamati meçaps. Maqinişile Ali ust’ak ar k’ele qinişiten oskedinu majura k’eleti baba muşişi dulya oskedinu şeni gurdoşuriten ixandeps. Muğlaşi germaluri oput’epes oxtimuten muşi qinişi gamaçaps. Globalize na iqven kianaşi ek’onomiaşa nodginu şeni gza gorups.
Ar ndğas, Ali ust’aşi mot’o3ikli do qinişiten yopşeri romork’i ixirinen. Ali ust’ak aya didi k’omp’aniapeş dulya ren yado icers. Murenki, maxircepe renan qinişi eç’opuşi geç’areli na var uğunan, ç’it’anoğaşi berepe. Aya na var uçkin Ali ust’ak deli nikten. Mot’o3ikli do qinişiten yopşeri romork’i muşi, didi k’omp’aniapeşen arterik oxirapu yado na icers şeni, didi k’omp’aniapeşi acent’apeşa oxtimuten goşogorus gyoç’k’aps.
Egeş t’erit’oriaşi k’oçiuri do geografiuri mskvanobapeten yopşeri ar filmi ren “Dondurmam Gaymak” (“Çkimi qinişi ren dido mskva”). Dudroli na osağaps Turan Ozdemiriş met’i mtel rolepe Muğlaşi xalk’işk’elen isağineren. Ç’it’a esnafi, ç’it’anoğa do “ç’it’a” k’oçepeşi “didi” filmi ren “Dondurmam Gaymak”. Xvena: 2006; Rejisori: Yuksel Aksu; Senarist’i: Yuksel Aksu; Masteralepe: Turan Ozdemir do Muğlaşi mtel xalk’i; Oz’iramuşi rejisori: Eyup Bozi; Musik’a : BaBaZuLa
|
TÜRKÇE
