|
AR FİLMİ: "XÇEMBABAŞİ SUM NDĞA"
Turneri ren CİA-s memurot na ixandeps ar ağanmordale. Muşi k’odişi coxo ren “Xçembaba”. Turneri na ixandeps ofisişi dulya ren kianas mtel nenapeten gamaçkvineri na ren svara, gazeta do jurnalepeş ok’itxu. Aşopeten ar k’ele kianaşi ambarepe igurapan, ar k’eleti CİA şeni ağani simadapeş omraluşi gza z’iropan. Murenki, ar ndğas, uçkinuten CİA-şi motvaleri ar op’era3ia ognapapan gon3’k’imerot.
Ar ndğas, Turnerik oç’k’omale mutxanepe eç’opu şeni ofisişen gamulun do jur kuça k’ap’ulas na ren bufeşa ulun. Bufeşen guiktuşi, ofisis na ixandeps mteli megabre mutepeşi t’iranobaten qvileri na rt’es z’irops. Astaxolot umçane mutepeşişa ambari meçaps t’ilifoniten. Am qvilobapeşi sebebiş goşogorinu do ti-muşiti oçvalu ak’vans. Am maartani k’ont’akt’i muşis, ti-muşiti oqvilu şeni gza na gorupt’es, oxo3’onaps. Na guişaşu “Xçembaba”s axvenen xvala ar mutxani; omt’inu...
”Xçembabaşi Sumi Ndğa” coxoni filmi ren James Gradyişi “Xçembabaşi Anşi Ndğa” coxoni romanişen adapt’a3ia xveneri. Sydney Pollackik qveren am adapt’a3ia. James Gradyişi romanik oxo3’onapaps CİA-şi namtini çkinapeti. Filmi ren casusobaş filmepeşi ar k’lasik’a.
Rejisori: Sydney Pollack; Masağepe: Robert Redford, Faye Dunavay, Cliff Robertson, Max von Sydov, John Houseman, Michael Kane; Sort’i: Advant’iura; Tudenç’ara: Turkuli; Nena: İnglisuri, Turkuli dublaji; Ora: 112 3’uti
|
TÜRKÇE
