|
MP'OLİŞİ STERAP'İNAŞ MUZEUMİ
Çinoberi malekse Sunay Akinik gon3’k’u ar sterap’inaşi muzeumi Mp’olis. Sunay Akinik z’ireren ar sterap’inaşi muzeumi Germanias iptinerot, na idu 15 3’anaş 3’oxle. Em oras em muzeumişi qoropaten guri na gyadvu Sunay Akinis, Turkiasti eşo ar muzeumi ok’iduşi k’arari meçeren. Berlinis, ar maant’ik’eşen ar sterap’ina 3xeni eç’operen do ti-muşiti 3xenoni oşinuten gzas gedgiteren.
“Mp’oliş Sterap’inaşi Muzeumi” coxo na uğun muzeumi muşi, zona Goztepes k’idu çinoberi maleksek. 500 met’ro k’vadroni na ren ar speros nanç’inerot jur şilya sterap’ina nirçinen. Sterap’inape na nirçinen burmepe teat’rişi saxne steri 3’opxineri ren. Muzeumis uğun sumeneçdovit k’oçoni ar ok’oxtalaş do sterobaşi saloniti.
Sunay Akinik k’orobu muzeumis na nirçinen sterap’inape dobadonaşi gale do doloxe. İrişen mcveşi sterap’ina ren 1817 tariğoni, Fransias noxvene ar sterap’ina k’emani. 1820-s Amerik’as noxvene sterap’ina ar bereti koren muzeumis. Beroba mutepeşi oşinu do oskedinu na unon do bere varna animse mutepeşişa, beroba mutepeşişi sterap’inape o3’iru na unon nana do babape, cumadi do dadepe şeni, izmonopeşi çxat’a ren am muzeumi.
K’ursepe do çkvadoçkva merçapapeti na ixvenen “Mp’oliş Sterap’inaşi Muzeumi”s uğun ar sait’i int’ernet’is: “istanbuloyuncakmuzesi.com”. Mok’itxuşi orape: Dolonişi doloxeni ndğalepes: 09:30-18:00; Sabat’oni- Mjaçxa 09:30-19:00 (Genk’ileri ren muzeumi Tutaçxaş ndğas.)
|
TÜRKÇE
