|
JURNALİ "YON"İŞİ AK'SİONİ
Maartani nomeri muşi 20 Xrist’ana 1961-s Ank’aras gamiçkvinu. Jurnalişi mance rt’u Doğan Avcioğlu. 24 didi gverdi oqopinot 222 nomeriş morgvalis gamiçkvinu. 30 Mbuloba 1967-s na gamiçkvinu çodina nomeri muşiten, gamoçkvalaşi skidala muşi oçodinu. Mumtaz Soysali, Cemal Reşit Eyuboğluti rt’u jurnalişi mak’idalepeşen namtinepe.
Jurnali “Yon“ik (“K’ele”), gamoçkvu ar ognapa 1.041 int’elakt’ualişi coxoten maartani nomeri muşis. Yonişi Manifest’i coxoten na içkinen am ognapak mxuci meçapt’u “Ağani Maoxen3aloba”şi p’rin3ip’epes. Turkia steri dobadonapes, maoxen3aloba beciti na rt’uşi simadaşa mxuci na meçapt’u ar gagnapaten iç’arineret’u am ognapa. Jurnali “Yon”i, “Yonişi ognapa”ten, dobadonaşi p’olit’ik’uri do int’elakt’ualuri skidalas beciti ar roli aqu. Jurnali “Kadro” steri int’elakt’ualepeşi k’ank’ala rt’u.
“Na3ionaluri K’vazali” na itkven p’olit’ik’apeşi dudi oçvalu. Em p’eriodişi Xalk’işi Resp’ublik’uri P’art’ia do Turkiaş Madulyaşi P’art’iaşi doloxe na rt’u namtini ant’i-imp’erialist’uri mitxanepe k’ala xolosoni dodgitu. K’ank’alaşa mxuci na meçapt’u mitxanepeş doloxe rt’u namtini 3ivili, burok’rat’i do malime int’elakt’ualepe. Ant’i-imp’erialist’uri ar ğara na uğut’u “Yon”i iqveret’u, çodinuri gverdi oş3’anuraşi beciti p’olit’ik’uri n3’opula, Turkiaşi ist’orias.
|
TÜRKÇE
