DUDBUT'K'A

ABXAZİAS MARGALURİ Ç'ANDİNAŞA GEİÇ'K'İNEN

Abxaziak, Okorturak Margali xalk’işi sebebiten k’arta oras p’rovak’a3ia na ikips Galişi t’erit’orias iptinerot lok’aluri xalk’işi nananena na ren Margaluritenti na ç’andinasunon ar t’eleviziuri k’anali gon3’k’asunon. Am oğoda, ant’i-demok’rat’iuri Tbilisişi maktaleşk’elen, dido oraşen doni şkurnaten na içvinet’u p’at’i ar ambari ren.

Abxaziaş Oxen3aleşi P’rezident’i Sergey Bagapşiş Galişi matemsile Ruslan Kişmariak, t’erit’orias maarta fara muşi t’eleviziuri k’anali aqvasunon yado ognapu. Galişi t’erit’orias xolosoni ar oras t’ek’nik’uri mont’aji oxvenuten ç’andinaşa gevoç’k’aten ya na tku Kişmariak, “Am dulya çodinuri ar-jur 3’anaşen doni oxor3elinu na visimadupt’it dido beciti ar p’roje ren. Am p’rojes Abxazia k’ala t’erit’oriaşi int'egra3ia şeni st’rat’egiuri ar becitoba uğun” ya tku.

Abxazias, k’analişi xeten Galişi t’erit’oriaş xalk’işa nena muşi ognapinu şeni dido beciti ar avant’aji aqvasunon. Edo xolo am k’analis Okorturaşi gyulvaluri k’elepesti na i3’k’edinasunon şeni, Kortuli nenaşen çkva nenapes izni na var meçaps Tbilisiş maktaleşi uraxat’obati dido çkva manz’inasunon. Abxazuri, Margaluri do Rusuli ambarişi p’rogramape k’ala so3io-p'olit'ik'uri, ek'onomiuri, seriuli do xelebaşi p’rogramape ixazirinasunon.

Galiş t’erit’oriaşi p’arlament’eri Vyaçeslav Vardaniak, “Galişi t’erit’oria sep’erat’ist’obaşi dixalot k’abuli ixvenen do çkar mitis akonaşis normaluri ar skidala na miğunan var uçkin. Mitis ambari var uğun; ek’onomiuri, so3ialuri do k’ult’uruli skidala çkinis muepe na iqvenşen. Çkin iri mutxaş 3’oxle mo3’qva na imordinen o3’iru minonan.” ya tku. Ruslan Kişmariak, Galis oxen3alek na 3’opxasunon k’analis ok’ule xususi ar k’analik na naqonasunonşi ambariti meçu.



                                                                                                                                                              TÜRKÇE