DUDBUT'K'A

MJORAŞOTOLE BECİTİ REN MARA…

Mjoraşotolek çumers tolepe, mjoraşi zararoni teşen monç’inoraş tutapeş morgvalis. Murenki, işport’aşen eç’opineri mjoraşotolepek tolepeşa zarari meçapan. Mjoraşotole var ren ar aksesuari, mara tolepeşi sağoba şeni na dvaç’irs ar mutxa ren. Sağobaşi malzeme ren. Originaluri p’olaroidi mjoraşotolepek dido k’ai z’iramaşa gza meçaps. P’olaroidi p’olariza3iaşi filt’rik, zararoni UV (monoğeşekole) teşa oşişen oşi nodgituten tolepe çumers. Emuş met’i, çxant’eri nunk’onepes na gamulun, uraxat’oba na meçaps çxant’eri do meğalapeti oşişen otxoneçdovitoçxoro nisp’et’iten gondinaps.

Sp’e3ialist’epes uğunan tavsiepe, mjoraşotole eç’opinu na unonanpeşa:

Otole tolis gidginatşi, tolepe tkvani var imğirinasunon. İmğirinu na, cami muşi ren uk’alit’oni.
Camişi peri oqopinuşi ren mtelot artneri. Ar peris irişen uçalaşen xçelaşa ar periluri sp’ekt’rumi uğun na, am sort’i goşimert na, camiş peri oqopinuşi ren jilenk’ele uçala, tudenk’ele xçela.
Otolek oqopinuşi ren sert’ifik’aloni.
Nomeroni otole na ixmaranpek, oxtimuşi renan tolişhekimişa, mjoraşotole eç’opinuş oraş 3’oxle.



                                                                                                                                                              TÜRKÇE