|
MAOVRANİ P'REZİDENT'İ: TURGUT OZAL
1927-s Malatyas dibadu. Baba muşi rt’u Çirmikturi Unluoğullarişen Mehmed Siddiki. Bank’aşi memuri rt’u. Nana muşi cincot Çemişkezekişi svalonepeşen Hafize Xanumi rt’u. Geç’k’apuroni n3’opulaşi mamgurapale rt’u. Ç’it’a Turguti, 4 3’aneri rt’uşi, Soğutişa dibarges. Geç’k’apuroni n3’opulaşa kogyoç’k’u akonaşis. Oşkendari n3’opula oçodinu Mardinis. Mardinis lise na va rt’u şeni, K’onyaşi Lise ik’itxu. K’ayserişi Lise oçodinu. 1950-s Mp’olişi T’eknik’uri Universit’et’i, elekt’rik’aşi incineri oqopinot oçodinu. 1952-s içilu. Am ocağoba muşi mk’ule iqu. 1952-s idu Amerik’aşi Ok’ont’aleri Oxen3aleşa. Ek’onomiaşi branşis gamintanu. Turkiaşa goiktuşi, Elekt’robaş Dulyapeşi Etuduri İnst’it’ut’is generaluri direkt’orişa manuşvale iqu. 1961- 1962 3’anapes malimuri xizmet’i muşi qu, Na3ionaluri Dudoçvaluşi Nazirobaş K’onsult’ant’epeşi K’omisiaş mak’ature oqopinot. Oxen3aluri P’lanobaşi Organiza3iaş ok’iduşa mxuci meçu. Em oras, Oşkendayulva T’eknik’uri Universit’et’is dersepeti meçu. Mk’ule p’eriodişi morgvalis, Dudnazirobaşi T’eknik’uri Eksp’ert’epeş K’omisiaşi mak’ature oqopinot ixandu. 1967- 1971 3’anapes Oxen3aluri P’lanobaşi Organiza3iaş Musteşarobaşi misia qu. Ek’onomiuri K’oordina3iaşi K’omisia, Geç’areli do K’redit’işi K’omisia, RCD K’oordina3iaşi K’omisia do Avrop’aşi Ek’onomiuri Ok’rebuleş K’oordina3iaş K’omisiaşi dudmaxvencoba qu.
1971- 1973 3’anapes Kianuri Bank’aşa k’onsult’ant’i iqu. 1979 3’anaşi çodinas Dudnazirobaşi Musteşari oqopinot i3xunu. Artneri p’eriodis, Oxen3aluri P’lanobaş Organiza3iaşi Musteşarobaş misiati vekaletiten qu. 12 St’aroşina 1980-şk’ule na ik’idinu xe3alas ek’onomiuri dulyapeşa coğap’inameçaps vi3e-dudnaziri oqopinot i3xunu. 1982-s istifa muşi meçu. 1983-s “Nanadobadonaşi P’art’ia” k’idu. Artneri 3’anas na ixvenu generaluri 3xunobas p’art’ia muşi maartani iquşi, k’abinet’i k’idu. Turkiaşi 19. Dudnaziri iqu.
31 Gimua 1989-s Turkiaş Na3iaşi Didi Meclisişk’elen maovrani P’rezident’i i3xunu. 17 İgrik’a 1993 tariğis şuri muşi Ğormotis meçu. Vatancaddes k’ideri monument’uri oğurenales let’as niçinu. 1954-s, Elekt’robaş Dulyapeşi Etuduri İnst’it’ut’is daktilografi oqopinot na ixandept’u Semra Xanumi k’ala na içilu Turgut Ozal rt’u sum bereşi baba. “Qini Lima” na içodu ar p’eriodis Dudnaziri do P’rezident’i iqu. Am ağani p’eriodik na momiğes ağanobape, guramoba do ust’alobate meğalu dobadonas.
|
TÜRKÇE
