|
ÇİNOBERİ MARGALİ T'ENORİ: ZURAB SOT'K'İLAVA
Çinoberi Margali t’enori Zurab Sot’k’ilava dibadu 12 Mirk’ani 1937 tariğis Soxumis. T’eknik’aşi gamantanaş k’ule musik’aşi gamantanaşa gyoç’k’u. Notamamu Tbilisiş K’onservat’oria 1965-s. P’rofesori David Angulaz’eşi mamgurepeşen ar teri rt’u. Ar-jur 3’anaş k’ule notamamu muşi ust’at’oba. Okorturaşi Op’era do Bale Teat’rişi solist’i rt’u 1965-şen 1974-şakis. Milanos, La Scalaşi 3aduri art’ist’i rt’u 1966-şen 1968-şakis. Zurab Sot’k’ilava rt’u maest’ro Barraşi k’lasis. 1974-şen doniti, Mosk’ova Bolşoi Teat’rişi solist’i ren. Sovietyari Oxen3aleşi oras, Zurab Sot’k’ilava i3xunu xalk’işi art’ist’i (1979).
Mosk’ova Oxen3aleşi K’onservat’orias p’rofesori na ren Sot’k’ilavas uğun ar xampa rep’ert’uvari. Muşi rep’ert’uvari Rusuli, Nap’oluri, Kortuli do Margaluri xalk’uri birabapeten xampa ren. Mskva xonari muşi do xonari k’aixeşa oxmaruten, op’eraşi kianas çinoberi t’enorepeşen ar teri ren. Sot’k’ilavak na isteru xvenape do na osağu rolepe aşo ren: Jose (“Karmen”); Cavaradossi (“Toska”); Calloandro (“La Molinara”); Vaudemont (“Lolanta”); İnduri Mok’itxe (“Sadko”); Kont’i Golitsini (“Khovanschina”); Maiddie (“Boris Godunov”); Ot’ello (“Ot’ello”); Radamesi (“Aida”); Rik’ardo (“Mask’eloni Balo”); İzmaeli (“Nabucco”); Abesalomi (“Abesalom do Eteri”).
Zurab Sot’k’ilava ren irişen k’ai na osağu art’ist’epeşen ar teri, Turidduşi roli Mask’agnişi Cavalleria Rusticana coxoni xvenas. An3’os, 3 Mbuloba 2007 tariğis Samargaloşi noğa Xobis na ixvenu Margaluri birabapeşi t’radi3ialuri fest’ivalişa na ak’atu Zurab Sot’k’ilavak, didi ar k’on3ert’i meçu.
|
TÜRKÇE
