|
MAÇXORANİ P'REZİDENT'İ: SULEYMAN DEMİREL
1 3’ilva 1924 tariğis İslamkoyis dibadu. Geç’k’apuroni n3’opula, na dibadu oput’es, oşkendari n3’opula do lise İsparta do Afyonis oçodinu. K’undura 1949-s Mp’olişi T’eknik’uri Universit’et’i, elekt’rik’aşi incineri oqopinot oçodinu. Artneri 3’anas, Elekt’robaş Dulyapeşi Etuduri İnst’it’ut’is oxanduşa kogyoç’k’u. 1948-s Nazmiye Xanumi k’ala içilu. 1954-s Barajepeşi İnst’it’ut’işi dudmaxvencobas, 1955-s Oxen3aleş 3’k’ariş Dulyapeşi Generaluri Direkt’orobaşa i3xunu. 1962- 1964 3’anapeşi oşkendas oxoşkveri k’onsult’ant’i-incineri oqopinot ixandu. 1962-s, Adalet’işi P’art’iaşi Generaluri Oktalaş K’omisiaşi mak’ature iqu. 28 3’ilva 1964 tariğis am p’art’iaşi Generaluri Dudmaxvance i3xunu. 1965 K’undura-Gimua tutapeşi oşkendas misia na qu k’oali3iaş xe3alaşi vi3e dudnaziri iqu.
10 Gimua 1965 tariğoni generaluri 3xunobas, İspartaşen dep’ut’at’i oqopinot meclisişa amaxtu. Adalet’işi P’art’iak ti-muşi k’ala xe3ala iquşi, Turkiaş Resp’ublik’aşi 12. Dudnaziri iqu. K’abinet’i k’idu. Suleyman Demireli, am k’abinet’iş k’ule 1969, 1970, 1975, 1977 do 1979 3’anapes 5 fara çkva Dudnaziri iqu.
12 St’aroşina 1980 tariğişi malimuri darbeten Dudnazirobaşen geit’k’oçinu. Şkviti 3’anaş morgvalis yasağoni iqu. P’olit’ik’aşi gale doskidu. 6 St’aroşina 1987-s na ixvenu referandumiten yasaği muşi diçodu. 24 St’aroşina 1987 tariğis, Mtini Gzaş P’art’iaşi Generaluri dudmaxvenci i3xunu. 29 3’ilva 1987-s na ixvenu generaluri 3xunobapes İspartaşi dep’ut’at’i oqopinot Turkiaş Na3iaşi Didi Meclisişa amaxtu. 20 Gimua 1991 tariğis na ixvenu generaluri 3xunobapeş k’ule Mtini Gzaş P’art’ia k’ala So3ial Demok’rat’i Xalk’uri P’art’iaşk’elen na ixvenu 49. k’abinet’işi Dudnaziri iqu. 16 Pukrik’a 1993 tariğis, Turkiaş Na3iaşi Didi Meclisişk’elen 9. P’rezident’i i3xunu. 16 Pukrik’a 2000 tariğis misia muşi oçodinu.
|
TÜRKÇE
