|
LAZURİ FOLK'LORİ: "LAZURİ P'ARAMİTEPE"
Okorturaşi Me3niereba Ak’ademiaşk’elen 1982 3’anas Tbilisis na gamiçkvinu “Lazuri P’aramitepe” coxoni xandas 104 but’k’a uğun. Redakt’oroba Zurab Tandilavaşk’elen na ixvenu svaraşi suratepe, İrak’li Qipşiz’eşk’elen iğarineren. Svaraşi ok’odginu do lit’erat’uruli redak3ia oxvenu Natela Kutelia, leksik’oni o3’opxinuti Sergi Cikia do Natela Kuteliaşk’elen ixveneren.
Ofi3ialuri coxo muşi, Lazuri Folk’lori – Kortuli Nenaşi Lazuri Dialekt’is (Lazuri Polk’lori - Kartuli Enis Lazur Dialekt’ze) na ren svaraşi geç’k’alas na gez’in Zurab Tandilavaşi ç’aras 7 fara “Lazuri-Margaluri Dialekt’is / Lazur-Megrul Dialekt’ze” yado noç’ars. Svaraşi çodinasti P’rof. Uşangi Obolaz’eş, İak’ob Gogebaşvilişi “Nananena” dudaroni st’at’ia gedvaleri ren.
Svaras; Txa do Mgeri, Mapa do Mç’k’eşi, Cadi Oxai, Mapa do Mabağe coxoni otxo p’aramiti, Nani, Lazuri Ç’andaş Birapa-Ç’ut’a Nusa, Uça Biç’i, Biç’iş Obiru, Çilik Gyabgart’u Komocis, Lazuri Oxaçkuşi Birapa, Ç’ut’a Karmat’e, Bunduri Qvai do K’ak’ali coxoni leksepe iç’arineren. Kortuli albonişi Latinuri t’ransk’ip3iape misali tkvalape k’ala niçinuş k’ule leksik’onişi burmeşa geiç’k’ineren. Leksik’onis tkvalape ok’odgineri oqopinot Lazurot, Margalurot, Kortulot do Turkulot isvarineren. Ofi3ialuri Kartvelur ideologiaşi tezepeşa p’aralelurot artikartişa na mengaps tkvalape xususurot i3xuneren.
Ok’vanduşi t’ilifoniş nomeri: 00 995 32 380 060
|
TÜRKÇE
