|
RODOSİŞİ MAÇVALE HEİKELİ!
Rodosişi iptineri maskidalepe Dorepe rt’es yado icerinen. Argosişen moxtimeri mazoğari ar xalk’i rt’es ya itkven. Mjoraşi trangi na rt’eren Heliosis axvamet’erenan. Egvipt’ia do Fenike k’ala k’omer3ia qvererenan. Aşopetenti izenginerenan. Rodosi iqveren k’ult’ura do xeşnoxvenobaşi şkaguri. İqveren rit’orik’a do filosofiaşi n3’opula.
Mak’edoniaşi Mapa Demet’riosik oblok’eren Rodosi ginz’e ar p’eriodişi morgvalis. Dorepek Demet’riosi k’ala na qverenan limas Mak’edonepes gyocginerenan. Blok’ada içodineren. Amuşeni, qverenan Heliosiş didi ar heikeli Rodosişi limaniş amaxtimonis, trangi mutepeşi Heliosişa mek’ireloba o3’iramu şeni. Krist’eşen 3’oxle 281- 280 3’anapes xveneri do 32 met’re mağalobas rt’u ya na itkven am heikelişi xes uğut’eren ar pak’la. Nevyork’işi andğaneri limanis na geladgin Ti-moşletinobaşi Monument’i Rodosişi Heikelişa nungapt’eren.
Rodusurepek am heikelik ti-mutepeşi do Rodosi çumert’u yado icert’erenan. Am sebebiten, ikipt’erenan “helicia” na itkvinet’u ç’andape. Rodosiş limanis na geladgit’eren am heikelişi tudeşk’elen dolot’k’oçupt’erenan zoğaşa otxo 3xenoni ar mankana. Entepeş oceruşi toliten, Heliosik gulut’eren mtel kiana amusteri ar mankanaten. Xalk’is oxosart’eren. Rodosişi heikeli, dido ginz’e var 50 3’ana k’onari dvadginu ya itkven. Krist’eşen 3’oxle 223-s na iskedinu ar dixaşk’ank’alas dolixvu ya itkven. 653-s Arabepek Rodosişa xe gedveşakisti genomskidepe eşo elaskidu yado iç’aren. Arabepek heikeli dopunçxolerenan do hurdaş pasiten gamaçerenan, yado oxui3’onapinen. Rodosişi K’olosso coxoti na geidvinen am heikelişi heikelt’raşi Lindosuri Xaresi rt’u ya itkven.
|
TÜRKÇE
