|
KORTULİ ALBONİTEN MSKVA Ç'ARA!
Noğa Artvinişi, ilçe Şavşetiş, oput’e Obas 1971 3’anas na dibadu Selami Gumuşişi, Kortuli alboniten na ç’arups hadisi, ayet’i do mskva nenape, originali mskva ç’araş xandape, Okorturas do Turkias dido inç’elinen. 1990 3’anas KTU (Uçazoğaşi T’eknik’uri Universit’et’i) Makina Resimi K’onst’ruksioniş Mat’eknik’oba oçodineri Selami Gumuşik, p’rofesionalurot k’aligrafi k’ala iboden do Artviniş gomorgvaşi k’ult’uruli nç’araloba inç’els.
Feshaneşi svaraş fuari do İzmitişi xeşnoxveneş kuçes merçapa na gon3’k’u, Hirka-i şerifi do Edirnekapis Ramazanuri aktivit’epes, CNR K’omer3iaş Kianuri Ok’rebules, Mp’olişi Real Eç’opmeçamuş Ok’rebules, NT mağaziapeşi Sultanbeyli, Kadikoy, Maltepe, Balikesir, İzmit branşepes, xeirişi ok’idapes meşvelu şeni na ixvenen kermesepes, FKM svaraş fuaris st’andi na gon3’k’u, monç’inoraş morgvalis Bodrum-Bitezis xususurot t’urist’epe şeni xandape na ikips Selami Gumuşik, a3’i skidala muşişi didi idealepeşen ar teri na ren Arabuli mskva ç’ara şeni gamintanen.
Na içkinen k’onari kianas nanç’inerot 3.000 nena iğarğalen mara andğaneri ndğas arxvala 14 alboni ixmarinen. Am albonepeşen ar teriti, İ.E. 4.- İ.U. 3. oş3’anurapeş şkas yeçkindu yado na icerinen Kortuli alboni ren. İslamuri noğalurobaş havzas na işekilinu mskva ç’araş (husn-i hat) st’ili k’ala estet’ik’urot kianuri albonepeşi şkas çkvaneri ar roli na uğun Kortuli albonişi armoniaşen na yeçkindun mskvanoba sanat’imaqorope k’ala na ipaaps Selami Gumuşis, xandape muşis gecginoba vimendupt.
|
TÜRKÇE
