DUDBUT'K'A

K'AÇKARİŞİ SİFTEREPE: ART'AŞENSP'ORİ

Noğa Art’aşenişi sp’ort’uli k’lubi Art’aşensp’ori, 1967 3’anas ik’idu. Perepe muşi bordo do xçe ren. T’eknik’uri direkt’oroba muşi İmdat Batumoğluk na ikips Art’aşensp’ori, Rizinişi 1. amat’oruli ligas isters. Art’aşeni, Turkiaşi 3. fut’bolişi ligas 1991- 1998 3’anapeşi oşkendas k’aixeşa na otemsilu Art’aşensp’ori, ağanmordaluri ligas 1987 3’anas Turkiaşi 3. oqopinuşi gecgina mogu. K’lubik 2000 3’anaşen doni tudenst’rukt’uraşa becitoba meçu do didilepe, ağanmordalepe, muru3xepe do ç’it’alepeşi k’at’egorias k’arta 3’anas 300 şen dido mafut’bole omordinaps do regionis na skidun xemaxvence ağanmordalepes fursat’i meçaps. Na omordinu 15 k’onari mafut’bole, Turkiaşi sup’eruli ligaşi Galatasaray, Fenerbahçe, Beşiktaş do Anatoliaşi majura k’lubepeşa t’ransferi qu.

Art’aşensp’orik, mafut’bole omordinu k’ala moxtasneri 3’anapes k’lubik, k’oçepeşi xes var o3’k’edas yado Art’aşeniş ok’rebules divi tesisişi xandape geç’k’apu. Tesisiş ok’iduşa, 2007 3’anas Noğaşi Xaçkaş Direkt’orobaşi xes na rt’u arsa 49 3’ana şeni Art’aşensp’orişa kiras meçamuten geiç’k’inu. Xalişi saha jur tuta steri mk’ule oras içodinu şk’ule Art’aşensp’oris geç’areli na mogapasunon sp’ort’iş k’omp’leksişi inşaat’iş oxvenuşa manişanoba niçinu. İnşaat’i muşis na niqoninen Art’aşensp’orişi tesisi, 2008 3’anaş çodinas içodinasunon yado ip’laninen. Tesisişi oçodinuten iptineri et’abis 3. ligaşa do ok’uleti 2. ligaşa yextimu inoğirinen. “Didi Art’aşenişa Didi Art’aşensp’ori” yado p’arolaten 2010 3’anaşa muxuri giçinasunon ya itkven. Art’aşensp’orişi tesisi Art’aşenurepeşa do Art’aşensp’orişa mogapu şeni dido na ixandu k’lubiş dudmaxvence Mehmet Çirakoğlus gecgineri xandape aqvas yado vimendupt.



                                                                                                                                                              TÜRKÇE