|
AR FİLMİ: ZORBA
Aleksi Zorba ren Berz’eni çinoberi maç’arale, Nikos Kazancakisik na yoçkindu k’lasik’uri na işinen romani muşişi dudgurami. K’ritis na skidu koiçkinen. Umuteli mara skidalaşa çkvaneri ar ğocişen na menda3’k’ert’u çkineri ar k’oçi rt’u yado oxui3’onapinen. Aleksi Zorba ren uqazu ar oput’ari. Murenki uğun ar filosofia. Qorops skidala do adamepe. Nuşvels adamepes. K’ap’italizmaş skidalaş st’ilis nodgitun. Ğvini p’ot’lik’aten mağaziaşen eç’opuşi gagnapas nodgitun. Adamik na şvasunon ğvini, xe muşiten na omralu qurz’enişen oxvenuşi ren. Edo megabrepe muşi k’ala artot oşumu çitun.
Uxeleberi Vasili ren burde İnglizi ar maç’arale. Ti muşis ar madenişocaği duskidun anderot. Genomskide am madenişocağis çkar mitik var ixandeps. Aleksi Zorbak Basilişi madenişocağis oxandu ik’abulups. Ağanmordale Vasilis dido axelen. Kiana goxtimu, goşogoru do oç’aru na unon Vasili iqven emuşi ar peri. Bunduri na ren do çkar megabreti na var uqonun Vasilik iguraps Aleksi Zorbaşi megabrobaşen dido mutxanepe. Mtini ptkvat na, çkar mutu na var uçkin, koxo3’onaps. Megabroba, sofras 3’oxlenoras do uk’açxoras ğvini oşuşi nostonoba aqven emus. Aleksi Zorbaşi am anek’dot’i, filmis na no3’k’edu kart’ayisiş nosis ren: “Na ik’itxi ak’o svarak oxelu var dogoguru na, m3udişi ik’itxere entepe ç’e p’at’roni!”
Rejisori: Michael Cacoyannis; P’roduseri: Michael Cacoyannis, Anthony Quinn; Senario: Michael Cacoyannis, Nikos Kazantzakis (romani); Masağalepe: Anthony Quinn, Alan Bates, İrene Papas, Lila Kedrova, Sotiris Moustakas, Anna Kyriakou; Musik’a: Mikis Theodorakis; 3’ana: 1964; Ginz’enoba: 142 deik’e; Nena: İnglisuri do Berz’nuli.
|
TÜRKÇE
