DUDBUT'K'A

MAROMANE LEVAN GOTUA

Çinoberi maç’arale Levan Gotua dibadu 10 Mirk’ani 1905-s, Tbilisis. Oçodinu Tbilisiş Universit’et’işi Ek’onomiaşi Fak’ult’et’i. Ç’aru destanuri ist’oriuli romanepe. İrişen çinoberi xvena muşi ren “Gmirta Varami” (“Guramişi Şkence”). Am xvena dologzeri ren maç’arales na uğut’u dobadonaş qoropa do Okorturaşi xampa ist’oriaşk’elen. Uk’ore3xoni romani do ist’oriuli p’aşurepe uğut’u emus. Entepeşen namtinepe aşo ren: “Ugzaloni K’aravani” (1945), “Ağanmordale Lomi” (1963), “Mapa Erek’le” (1942), “Mapa Davit” (1945), “Goşabğeri K’aravani” (1957).

İst’oriuli romani “Guramişi Şkence”k osuretups, Okorturaşi 17. oş3’anura do o3’iraps feodaluri p’eriodiş k’abğapeşi det’ailepe. Muşi iptineri çinoberi ist’oriuli sumoni “Mit’ridat’i”k oxo3’onapaps, antik’uri K’olxetik ti muşi oçvu şeni Romanuri maişgalepeşa muç’o na nodgiteret’u. Kianuri majurani limaşi (1941- 1945) morgvalis, muşi xvenape “Mapa Erek’le” (1942), “Mapa Davit” (1945) “Ugecgineri” (1943) isaxninu teat’ris, didi gecginobapeten. Levan Gotuak şuri muşi meçu Ğormotis, 30 3’anağani 1973 tariğis.



                                                                                                                                                              TÜRKÇE