|
DUDNAZİRİ İSMAİL NİHAT ERİM
İsmail Nihat Erim dibadu 1912 3’anas Kandiras. Muşi cinci ren noğa Art’aaniş ilçe P’osofiş oput’e Erimi. Gvari muşiti ekşen ezdimeri uğun. Galatasarayişi Lise do Mp’olişi Universit’e oçodinu. Ok’ule qu dokt’ora P’arisişi Huk’uk’uri Fak’ult’es. İ3xunu do3ent’i Ank’araş Universit’eşi Huk’uk’uri Fak’ult’eşa 1939 3’anas. 1941 3’anas iqu p’rofesori. Ank’araş Universit’eşi Huk’uk’uri Fak’ult’eşen met’a P’olit’ik’uri Çkinapeşi N3’opulasti meçu dersepe. 1945-şen 1950-şakis dep’ut’at’i iqu (CHP) Xalk’işi Resp’ublik’uri P’art’iaşen. 2. Xasan Sakaşi xe3alas Ok’idobaşi Naziri, Gunaltayişi xe3alasti iqu Dudnazirişi Manuşvale. İqu dudmaç’arale Gazeta “Ulus”-işa (“Na3ia”). Meqonerot gamoçkvu “Yeni Ulus” (“Ağani Na3ia”) do “Halkçi” (“Maxalk’e”) coxoni gazetape 1955 3’anaşakis. Dudnaziri Menderesişi guri oxvenu şeni ixandu K’ip’risiş Resp’ublik’aşi dudk’anoni oxazirus.
İqu dep’ut’at’i CHP-şen 1961 3’anas. 12 Mirk’ani 1971 tarixoni malimuri xe gedvaş k’ule ok’ui3’k’u CHP-şen. 26 Mirk’ani 1971 tarixis xe3ala gedgu. 3 Xrist’ana 1971-s naşkvu p’ost’i muşi. Xe3ala ok’iduşi dulya xoloti niçinu emus; 22 Pukrik’a 1972 tarixişakis doxedu t’axt’is. İqu kont’enjanuri senat’ori 1977-şakis. “Na miçkin do na bz’iri k’onarite K’ip’risi” coxoni svara muşi gamiçkvinu 1975-s. 12 Mirk’anuri malimuri oktalobas muk’o derdepe zduşenti na molaşinasunt’u do oskedinoni mutxanepe na doloç’arapt’u ar vaxtis iqvilinu k’vazaluri ar organiza3iaşk’elen 19 X3ala 1980 tarixis, oxori muşiş 3’oxle Dragosis, Mp’olis.
İsmail Nihat Erimik k’aset’is k’itxeri do ok’ule am k’aset’epeşen, skidala muşis deşifre do dakt’ilo xveneri t’ekst’epeten 3’opxeri ren yado gamognaperi do Raşit Çavaşişk’elen gamoçkvuşa xazireri “12 Mirk’anişi Goşinape” coxoni svara muşiti gamiçkvinu Yapi Kredişi Gamomçkvalobaşen. Çileri do jur bereşi baba na rt’u Nihat Erimis uçkit’u Fransuli do İnglisuri nenape.
|
TÜRKÇE
