|
ANTİK'URİ ORAPES YULVA UÇAZOĞA
Ahmet Mican Zehiroğluşi ginz’e 3’anapeşen doni meqoneri xandapeşi çodinapeşen ar teri na ren svara, Çiviyazilarişi seria Mjoraşk’elen 2000 3’anas, Mp’olis gamiçkvinu. Huseyin Demirelişk’elen gamaçkvalaşa na ixazirinu svaraşi but’k’aş dizaini, Ozcan Sapanişk’elen ixvenu.
Svaraşi k’ap’ulaş but’k’as; “Urartuşi noç’arapes K’olxisişi oz’ironepe k’ala na geç’k’u goşogora, andğaneri dğaşakis Turkias, K’olxaşi Mapanoba şeni gamiçkvineri irişen k’ai noxvene xanda ren. Em p’eriodişi çkineri odudepe, mcveşi Grek’uri, Romauri do Bizansuri matarixepeşi, magolvepeşi svarapeş ok’itxuten na geç’k’u goşogoraş p’rosesi, em p’eriodişi genomskidepeşa do K’olxisişi noğarobaşi sikkepeş goşogorinuşakis nunç’uşu. İst’oria, andğa na gamatanups ilmi ren yado na açkinenpek, mcveşorapes Yulva Uçazoğas muepe iqveret’uşi k’itxaş coğabi mtelot originali odudepeşi çkinapaten igurasunonan.” ya ç’ars.
Svaraşi doloxe; “Urartuşi noç’arape”, “K’olxaşi Mapanoba”, “K’olxaşi sikkepeş bibliografia”, “Hippokratişi Phasiş not’epe”, “Xenophonişi not’epe”, “Pseudo-Skylaxişi geografiuri not’epe”, “Strabonişi not’epe”, “Pliniusişi not’epe”, “Arrianusişi rap’ori”, “Ptolemusişi not’epe”, “Prokopiusişi golvaş not’epe”, “Agathiasişi not’epe” steri temape ç’areli ren.
Ok’vanduş t’ilifonişi nomera: 0216 414 91 13
|
TÜRKÇE
