DUDBUT'K'A

LAZİSTANİŞİ GOLAPE (ARTVİNİ)

Artvinişi dixapeş nanç’inerot 51% golapek 3’opxups. Artvinişi namtini golape ren; Mak’ufi, Zeytinluği do Oşkoput’eşi ğalepek na 3’opxups xat’işi omjoreyulvaş k’ortaşi Ç’k’onepuna, Xomulağali, N3’uraneri, Kereconi, Ok’obğeri, K’ap’ik’i, Ğaloni, Bilbilani, Çamoni, Xanoput’e, Topuroni do Tiponi, Maraditi-Borçxa, Artvini-Oşkoput’eşi ğali k’ala Okorturaş oşkendaşi k’ortas, Kvaxinci, İmerxevi, Lazut’oni, Oba, Artvini-Zeytinluği-Mak’ufiş xat’işi olande do olandegulvaşi k’ortaşi Keşoğli, Çamluği, Mağara, Puconi, Xçinoni, Do3igeri do Mamkveri.

Gola K’avk’asori: Artvinişi omjoregulvaş k’eleni golaşa 10 k’m asfalt’i gzaten ilinen. 1.250 m mağaloboni golas oz’ironi mskvanoba uğun. Tudoni xizmet’epe mendiqoneri golas, belediyeşk’elen xveneri 10 dane 80 oncireş k’ap’asit’oni bungalo koren. K’arta 3’ana Mbuloraşi tutaş çodina dolonis na i3’opxinen do sum dğas na naqonen fest’ivali do xocepeşi ok’ok’idinu dido inç’elinen.

Oput’e Golape: Mak’ufişi 53 k’m gulvas ren. Oput’e Golape-Dilberişzenişi k’amp’işa 10 k’m patik’aşen igzalinen. 3.200 m mağaloboni oput’e Golapes çeçme, elekt’rik’i, k’linik’i kuğun. Oput’e Golape, germa K’açk’arişa eşanç’u na unonanpeşi go3’odgitinuşi sva ren. 3.328 m mağaloboni Dilberişzeni, germa K’açk’arişira irişen xolosoni k’amp’i ren. Dilberişzenişen 3.932 m mağaloboni germa K’açk’arişa urexberoni eşanç’u oşkurnoni iqven. K’ortas vaşak’i, mtuti, mt’k’uri txa, mgeri, mç’apu, meli steri skindinape iz’irinen.

Gola Borçxa-Uçat’iba: Borçxa-Maç’axeliş gzaşi 27. k’ilomet’reşen yulvaşk’ele let’aşgzaten Uçat’ibaşa ninç’işinen. T’ibaşi gomorgvaş mt’k’as vaşak’i, bozi mtuti, çengeli kraloni germaş txa, germaş kotume, moxare k’vinçepe iz’irinen, t’ibas k’almaxa iç’opinen. T’ibaş gomorgvas p’iknik’işi stolepe, çeçme, musafirxana koren. Dodgitinu şeni k’amp’işi malzemepe do temeluri dvaç’ironi malzemepe moğu uk’ors.

Gola Şavşati-Uçat’iba: Şavşatişi olandeyulva 8- 10 hekt’ari didinoboni Uçat’ibaşa 30 k’m let’aşgzaten ninç’işinen. Uçat’ibas elekt’rik’i, çeçme, musafirxanak nuxizmet’ups. Dodgitinu şeni k’amp’işi malzemepe do temeluri dvaç’ironi malzemepe moğu uk’ors.

Gola Art’anuci-Babilani: Art’anucişi yulvaşk’ele 51 k’m let’aşgzaten ninç’işinen. Gza do 3’k’arişen met’a çkar mutu na va ren golas k’arta Sabat’onis bazari guin3’k’en. Dodgitinu şeni k’amp’işi malzemepe do temeluri dvaç’ironi malzemepe moğu uk’ors.

Gola Mersivani: Artvinis na gok’irs germa Genyaşi tudenk’ele na golaz’in gola Mersivani, mt’k’aepunaten gok’ireli zenepe na uğun gola ren.

Gola Xçe3’k’ari: Germa K’açk’arişi 2.200- 2.400 met’re mağalobas na golaz’in gola ren. Maç’axelişi mağali golapeşen ar teri ren. Na golaz’in svas mt’k’a vardo ocvinalepe ren. Germa K’açk’arişi dudis na ren k’rat’erişi t’iba Muru3xişa am golaşen igzalinen.



                                                                                                                                                              TÜRKÇE