|
DUDNAZİRİ FERİT SADİ MELEN
Ferit Sadi Melen dibadu 1906 3’anas Vanis. Geç’k’apuroni n3’opula, oşkenduri n3’opula oçodinu Vanis. 1928-sti oçodinu Bursaşi Biç’uri Lise. Ank’araşi P’olit’ik’uri Çkinapaşi N3’opulas ik’itxu. Edo 1931 3’anas aqu emus dip’loma. 26 Mariaşina 1931 tariğis iqu manuşvaluri memuri Bursas. 25 Gimua 1932 tariğis i3xunu finansuri insp’ekt’orişi manuşvale. 1 3’anağani 1936-s maotxani k’lasi, 14 X3ala 1939-s masumani k’lasi, 26 3’anağani 1940-s majurani k’lasi do 28 3’anağani 1943-sti maartani k’lasi insp’ekt’ori iqu. Malimobaşi odulyoba notamamu rezervuli opi3erot. Ar 3’ana şeni mendiçkvinu P’arisişa, Fransiaşi Finansiaş Nazirobas iguras yado. 3’ilva 1943 tariğis iqu Up’icdop’iconi Xarcepeş K’idalaşi Generaluri Direkt’ori. 30 Mbulora 1946-s iqu Mogapobaşi Generaluri Direkt’ori.
9. p’eriodişi 3xunas i3xunu dep’ut’at’i Vanişen. Timoşletinuri finansuri k’onsult’ant’oba qu. 30 St’aroşina 1959 tariğis iqu p’ensioneri. 11. p’eriodişi 3xunas i3xunu dep’ut’at’i Vanişen. 1961 3’anaşi mak’idalepeşi meclisis iqu Vanişi matemsile. 9 do 10. İnonuşi k’abinet’epes iqu Finansiaşi Naziri p’arlament’oşi galen. 7 Mbulora 1964-şen 14 Gimua 1979-şakis Vanişen senat’ori rt’u. 1968-s naşkvu (CHP) Xalk’işi Resp’ublik’aşi P’art’ia. (GP) Ocerobaşi P’art’iaşi mak’idalepeşen ar teri rt’u.
1. do 2. Erimişi xe3alapes iqu Na3ionaluri Dudoçvalaşi Naziri. 22 Pukrik’a 1972 tariğis iqu Dudnaziri. Ok’ule iqu Na3ionaluri Dudoçvalaşi Naziri 4. Demirelişi xe3alas. 12 X3ala 1980 tariğis i3xunu senat’ori P’rezident’işk’elen. 12 St’aroşina 1980 malimuri darbeten odulyoba muşi diçodu. 1983 3’anaşi generaluri 3xunas i3xunu dep’ut’at’i Vanişen. 3 St’aroşina 1988-s şuri muşi meçu Ğormotis Ank’aras. Let’as niçinu Cebecişi asri oğurunales. Fransuli nena na uçkit’u Ferit S. Meleni rt’u jur bereşi baba.
|
TÜRKÇE
