|
SUNA PEKUYSALİ DİTEK'AUDU!
Sinema, teat’ri do t’eleviziuri serialepeşi masağale do dublajişi maxeşnoxvene Suna Pekuysali dibadu 24 Gimua 1933 tariğis Mp’olis. Mtini coxo muşi ren Suna Beleneri. Mp’oliş Belediyeşi K’onservat’uvaris şani do baleşi k’ortas ik’itxupt’uşi, 1949-s Mp’oli Noğaluri Teat’rişi bereluri k’ortas, Kadri Ogelmanişk’elen ç’areli “Art’ist’i igoren” coxoni p’iesiten yextu saxneşa iptinerot. Sum 3’anaş k’uleti amaxtu dramaşi k’ortaşa. 1964-s ikimocu magazete Ergun Koknari k’ala. 54 3’anaş morgvalis ixandu Noğaluri Teat’repes. 24 Gimua 1998 tariğis iqu tek’audi Noğaluri Teat’rişen. Xeşnoxvenuri skidala muşiş morgvalis roli aqu 250-şen met’a filmis. Suna Pekuysalik nanç’inerot 100 sinemuri filmis isteru. Ozkan Uğuri k’ala dudroli na ok’uirtes “Dubağun nana!” coxoni k’omeduri seriali onç’elobaten iseyrinu xalk’işkelen. Suna Pekuysalik “Luk’usi skidala" coxoni musik’alis nosağu Zihni Goktayi k’ala udodginu 14 3’anaş morgvalis.
“Maxeşnoxvene tek’audi var iqven” ya na zopont’u Suna Pekuysalis, ğuraşakis teat’ri oxvenu unt’u do udodgineri tkumert’u: “Saxnes oğuru minon” ya. Suna Pekuysalik oxori muşis melu do m3’elişi qvili konit’axu 17 X3ala 2008 tariğis. Mp’olişi Medi3inuri Fak’ult’eşi oxzabunes ok’aoba muşi kogeç’k’u; op’era3ia aqu emus. Ok’uleti p’eci ok’aobaşi k’ortaşa mendiqones eya. Akonaşis şuri oşvanuş ap’arat’iten na skidu Suna Pekuysalis guri dudgitu 22 X3ala 2008-s. Hekimepek mtel çarepe gores. Edo kogeç’k’u xolo oskidus. Mu renki saat’i 10:30-s guri muşi xolo na dudgitu Suna Pekuysalik meçu muşi şuri Ğormotis. Suna Pekuysali şeni i3’opxinu 3eremonia Mp’olişi Noğaluri Teat’rişi Reşat Nuri Saxnes. 3eremonias Mp’oliş Noğaluri Teat’rişi Generaluri Xeşnoxvenuri Maktale Orhan Alkaya do Suna Pekuysalişi biç’i Sait Ali Koknarik xalk’is nuğarğalu. Suna Pekuysali 3eremoniaş k’ule Atakoy maxutani k’ortaşi meçetis ondğeneris xveneri cenazeşi nemazi şk’ule let’as niçinu Mevlanakapişi oğurunales.
|
TÜRKÇE
