|
YULVA UÇAZOĞURİ XALK'EPEŞİ İST'ORİA DO K'ULT'URA
“T’amt’raşen Abxaziaşa Yulva Uçazoğuri Xalk’epeşi İst’oria Do K’ult’ura” na coxons svara, Gamamçkumala Sorunişi seria İst’oria-K’ult’uraşk’elen 1998 3’anas Mp’olis gamiçkvinu. Edit’oroba do Kortulişen goktirinu Hayri Hayrioğluk na qveren svara; Yuri Siharuliz’e, Alek’sandre Manvelişvili, J. Gogebaşvili, 3’ate Ba3’aşi, İvane Cavaxişvili, Biçi Tezelişvili, Mixak’o 3ereteli, Mariam Lort’k’ipaniz’eşi noç’arepeşen ik’orobineren.
Yulva Uçazoğa do K’avk’asiuri namtini xalk’epeşi ist’oria do k’ult’uraş goşogoruşi idia na uğun svaraşi go3’otkvale 3’ate Ba3’aşişk’elen iç’arineren. Ba3’aşik go3’otkvales; “Am svara k’ala Lazonaşi ist’oriuli dixapes, maişgale mencelepeşk’elen na i3’opxineren etno-oceraşi grup’epeş goşogoru mevoğirapt” yado goloç’areren. Svaraşi doloxe; Lazonaşi ist’oriuli etnik’uri geografia, Ç’ani-Lazepe, Abxaziaşi Mapanobaş gedginu, Okorturas artonobaş oxor3elu, Xemşinepe, Çepnepe, Yulva Uçazoğaşi regionis namtini P’rot’o Kartveli maktalobape, 20. oş3’anuraşi geç’k’alas Omargale, 20. oş3’anuraşi geç’k’alas Osvane, 20. oş3’anuraşi geç’k’alas Omurzaqane, Osetepe do Osetia, Abxazepe do Abxazia steri temape ç’areli ren.
Maamage xalk’epeşi ist’oria do k’ult’uraş gurineri oçkinu do mordineri omencelus memxvacuşi noğiraten na gamiçkvineren svaras, Okorturaşi ofi3ialuri ist’oria do ideologia edo Kartvelist’i 3’k’omilaten ç’areli noç’arepe meşaç’ars. Am xaliten svarak, maamage xalk’epeşa iroroni mo3’qva, oxoşkveroba, gonç’ela do omendus var notanaps mara xalk’epeşi golaxtora do moxtanora om3’k’upinaps.
Ok’vanduş t’ilifonişi nomera: 0212 638 81 82
|
TÜRKÇE
