|
DUDNAZİRİ MEHMET NAİM TALU
Mehmet Naim Talu dibadu Mp’olis 1919-s. 1943 3’anas, doçodinu Mp’oliş Universit’eşi Ek’onomiaşi Fak’ult’e. İxandu Sumerbank’is. 1946-s, kogeç’k’u oxanduşa Şkaguroni Bank’as. 1966-s manuşvaluri Generaluri Direkt’oroba na qveret’u k’idalas, 1967-s iqu Generaluri Direkt’ori. 1970-s Bank’aşi do Oktalobaş Meclisişi Dudmaxvence i3xunu.
Majurani Erimişi Xe3alas iqu K’omer3iaşi Naziri. Melenişi xe3alasti rt’u K’omer3iaşi Naziri. 1972-s, K’omer3iaşi Naziri rt’uşi, em oraşi P’rezident’i Cevdet Sunayişk’elen i3xunu Senat’oşi mak’aturobaşa. Melenişi xe3alak naşkvuşi, k’idu 36. xe3ala.
1973 3’anaşi 3xuna, muşi Dudnazirobaşi vaxtis ixvenu. 1976 3’anas k’ont’enjanuri senat’oroba muşi diçodu. 15 Mbulora 1998 tariğis, Mp’olis meçu şuri Ğormotis. İnglisuri nena na uçkit’u Mehmet Naim Talu, rt’u jur bereşi baba.
|
TÜRKÇE
