|
MASİNAME ELDAR ŞENGELAİA
Eldar Nikolayeviç Şengelaia 26 3’anağani 1933 tariğis Tbilisis dibadu. Maeçkinde maxeşnoxvene do çinoberi maxvenale na ren Şengelaia, gamaxtu Mosk’ovaşi Sinemat’ografiaş İnst’ut’işen 1958-s, S. Yutkeviçik na oktalapt’u. 1958-şen 1960-şakis ixandu “Mosfilmi”s generaluri maxvenalot. 1961-şen doni Eldar Şengelaiak ixanderen “Gruziafilmi”şi st’udias. Okorturaşi masinemat’ografeşi dudmaxvance iqu 1976-s. 1986 3’anas iqu Venedik’işi Filmuri Fest’ivalişi mak’ature. 1988 3’anas k’ai do mskva xeşnoxvenepeşi sebebiten, “Sovietiş Artobaşi Xalk’işi Art’ist’i” yado p’aye niçinu sinemat’ografiaşi speros. “Okorturaşi Xalk’işi Art’ist’i” yado p’ayeti niçinu emus. 1990-şen 1991-şakis Okorturaşi Mağali K’onseişi mak’aturoba qu. 1992-s mak’ature rt’u Oxen3aluri K’onseişa, namuk na ok’ule iqu p’arlament’o, em 3’anas ağani timoşletineri Okorturaşa. Gimua 1996-s rt’u namzeti resp’ublik’aşi p’rezident’oba şeni. 1999- 2004 3’anapes Okorturaşi P’arlament’oşi dudmaxvenceşa manuşvale rt’u. Ok’ont’aleri Demok’rat’epeşi grup’işen rt’u. 1985-şen doni muşi st’udia na oktalaps Şengelaia ren sum bereşi baba. 1993 tariğoni “3aş peroni germape varna uceroni p’aşura” ren Eldar Şengelaiaşi k’lasik’uri hicivi, namuk na momçapan u3xu burok’rat’iaşi ambarepe.
Muşi filmepe ren: “Coğori dadali” (1996), “Eksp’resi informasioni” (1993), “3aşperoni germa varna uceroni p’aşura” (1983), “Nanaşant’işi Samanişvili” (1977), “Ek’sant’rik’epe” (1973), “Uz’ireli merçapa” (1968); “Miqela” (1965), “Xçe k’aravani” (1963), “Mtviriş perişi p’aşura” (1959), “Qini gurişi destani” (1957). Muşi t’ekst’epe ren: “Coğori dadali” (1996), “Eksp’resi informasioni” (1993).
|
TÜRKÇE
