|
TRT-Şİ İNT'ERNET'İŞ OÇ'ANDİNA 30 NENONİ
TRT-şi int’ernet’iş sait’ik, menyaşgalen k’ele Turkuli daxili 30 nenate oç’andinas kogeç’k’u. www.trt-world.com adresişen kianaşa; Turkuli, Germanuri, Arabuli, Albanuri, Azeruli, Boşnak’uri, Bulgaruli, Çinuri, Daruli, Farsuli, Fransuli, Kortuli, Xirvat’uri, İnglisuri, Esp’aniuri, İt’alianuri, K’azak’uri, K’irgizuri, Hungaruli, Mak’edonuri, Ozbek’uri, Peşturi, Romenuri, Rusuli, Serbuli, Tataruli, Turkmenuri, Urduli, Uyguruli do Yunanuri nenapete çkina do ambari niçinen.
T’eknik’uri tesisat’i, xampa temape, 35 p’ort’ali na uğun int’ernet’iş oç’andinate 5 k’itas do 24 saat’is maoxmarepeşa ixizmet’inen. Turkiaşi p’olit’ik’uri, sosialuri, ek’onomiuri do k’ult’uruli ambarepe k’ala dobadonapeşi lok’aluri ambarepe maoxmarepeşa artneri oras ignapinen. P’icdop’iconi z’irapa do xonaroni sait’epes, kianaşi irk’eleni 10 şilyaşen umosi adamis, int’ernet’işen artneri oraloni do p’icdop’iconi oç’andinas a3’k’omilen.
“Kianaşi irişen didi oç’andinaşi tesisiş oqopinu”şi viziaten oxandus na geç’k’u TRT, am ağanoba muşi k’ala çkvaneri nenapete oç’andinus, kianaşi maxutani mediaşi didi tesisi iqu. 50 dobadonas na iğarğalen 30 çkvaneri nenate na ixazirinen sait’epeş oç’andina na geç’k’apu TRT, çkvaneri nenapete oç’andinus 47 nenate Voice Of America, 45 nenate China Radio, 33 nenate Voice Of Russia do 32 nenate BBC Vorld Service-şk’ule 30 nenate kianaşi maxutani mediaşi didi tesisi iqu.
TRT-k, int’ernet’iş oç’andinas oxen3aluri nenapes gza meçaps mara Lazuri do Abxazuri steri "Turkiaşi lok’aluri nenape" moivars. Anatoliaşi k’ult’uruli xampoba na ren lok’aluri nenapes, tesisuri minoba magan do int’ernet’iş oç’andinate moirdan do moxtanoraş neslepes nanç’işan yado TRT-s, k’arta dulya oxvenu dvaç’irs. Dudk’anonişi “sosialuri oxen3ale” hukmi do dobadonamşinepeşi “adamiuri hak’epe” k’ala TRT-s, oç’andinaş temas k’arta nenaşa artneri o3’k’omilu uk’ors.
|
TÜRKÇE
