|
MASURATE RADİŞ TORDİA
Radiş Tordia dibadu Abaşas, 21 Mariaşina 1936-s. Okorturaşi figurat’iuri mxat’vari ren. J. Nik’olaz’eşi Xeşnoxvenuri St’udias ik’itxu Tbilisis, 1956-s. Ok’ule 1962-sti, Tbilisişi Oxen3aluri Xeşnoxveneş Ak’ademiaşen gamaxtu. Xeşnoxvenepe muşi ren yağiğaponi, didopeten peroni xasieti uğun. Muşi temape ren oxorcalepe, namupes na u3’umers “kianaşi irişen mskva enoçkinde”.
Didopeten om3kvineri ren Okorturas, so na niçineri ren “Okorturaşi Xçetomoni Maxeşnoxvene” paye 1979-s. Ok’uleti Oxen3aluri p’riziti niçineri ren emus. 1990-s, i3xunu “Okorturaşi Xalk’iş Maxeşnoxvene” do niçinu “Xçetomonoba”. Radiş Tordias aqu merçapape 1978-şen doni Rusia do Okorturas edo 1980-şen doniti menyaş gale, Tunusia, K’olni, Vaşingt’oni, do Londoni steri noğapes.
Radiş Tordiaşi xeşnoxvenepe iz’iren Holandiaşi nanmapa, Okorturaşi 3’oxleni P’rezident’i Eduard Şevardnaz’e, p’olit’ik’uri go3’oncğonerepe Helmut Kohl do Roman Herzogişi muşiuri k’olek’3iapes. Muşi xeşnoxvenepe ren merçapas Okorturaşi Na3ionaluri Muzeumis, Mosk’ovaşi T’retiak’oviş Yulvaluri Xeşnoxveneşi Galeria do Muzeumis, Sank’t’ P’et’ersburgişi Rusuli Muzeumis do K’olnişi P’et’er Ludvigişi Muzeumis. Radiş Tordia skidun Tbilisis andğaneri ndğas. Muşiuri merçapapeti aşo ren: 1980: Tunusia, 1989: Mosk’ova, 1990 do 2000: Tbilisi, 1992: K’olni.
|
TÜRKÇE
