|
OKORTURAŞİ SOVİETURİ SOSİALİST'URİ RESP'UBLİK'A
Okorturaşi Sovieturi Sosialist’uri Resp’ublik’a (Gruzinskaya Sovetskaya Sotsalisticheskaya Respublika), Sovieturi Artobaşi mcveşi resp’ublik’apeşen ar teri rt’u. Nananoğa Tbilisi, dixaşzoma 69.700 k’m2, nak’onoba 4.337.600, para Sovieturi ruble na uğut’u Okorturaşi SSR-şi ofi3ialuri nenape rt’u Kortuli, Rusuli, Abxazuri do Oseturi. 25 K’undura 1921-s, Mç’ita Armiak Okorturaşi Demok’rat’iuri Resp’ublik’as xe gedvuş k’ule Okorturaşi SSR coxoten geidginu. 12 Mirk’ani 1922 tariğişen 5 Xrist’ana 1936 tariğişakis, Sumexiaşi SSR do Azerbaycanişi SSR k’ala T’ransk’avk’asiaşi Sovieturi Sosialist’uri Federaluri Resp’ublik’aşi ar no3’ile kodoskidu.
Kortu na rt’u St’alinişi p’eriodis Sovieturi oktalas dido Kortus beciti mevk’epe aqu. Xruşçovişi p’eriodis şkaguroni oktalak, xe3ala resp’ublik’ape k’ala ipauşi Okorturaşi K’omunist’uri P’art’ias menceli manz’inu mara dobadonas uçaborsa do peşkeşisti komanz’inu. Eduard Şevardnaz’es, 1960-oni 3’anapeşen Sovietişi Galendulyaş Naziri na iqu 1985 3’anaşakis uçaborsa do peşkeşi oçodinu şeni ocedelu dvaç’iru. Okorturaşi SSR-s, 28 Gimua 1990-s demok’rat’iuri p’arlament’oşi 3xuna ixvenu do Okorturaşi SSR-k, 15 3’ilva 1990-s Okorturaşi Resp’ublik’a yado coxo geidvinu. Na3ionalist’i go3’oncğoneri Zviad Gamsaxurdia p’rezident’i i3xunu do Okortura 9 İgrik’a 1991-s timoşletineroba muşi ognapu. Mara Sovieturi oktalak St’aroşina 1991 tariğişakis dobadonaşi timoşletineroba var içinu.
|
TÜRKÇE
