DUDBUT'K'A

DUDNAZİRİ SAİM BULEND ULUSU

Saim Bulend Ulusu dibadu 1923-s, Mp’olis. Zoğaluri Malimobaşi N3’opulas ok’itxus kogeç’k’u 1 Pukrik’a 1940 tariğis. 15 Gimua 1941-s gamaxtu n3’opulaşen majurani leit’enant’işi rut’beten. Dest’royerepes branşuri zabitobas, burmeluri timçxulobas do çkvadoçkva k’arargaxuri odulyobapes ixandu. 1955-s oçodinu Zoğaluri Malimuri Ak’ademia. TCG Gaziantepişi Sardaloba, çkvadoçkva karargaxuri odulyobas do Majurani Dest’royeruli Filot’ilaş K’omodorobaşi odulyobapes ixandu. 1964-s iqu k’ot’radmirali.

Mayinuri filoşi manuşvale iqu sardalişa. 1967-s iqu majurani admirali. Malimuri Filoşi Sardali, Zoğaluri Mencelepeş Sardalobaşi Ok’ank’alobaş Dudmaxvencot ixandu. 1970-s iqu vi3e admirali. Oçildre Zoğaşi Speruli Sardali, Zoğaluri Mencelepeşi Sardalobaş Şt’at’uri Dudmaxvence do Zoğarobaşi Sardalot ixandu. 1974-sti iqu oradmirali.

Malimuri mağali şuraşi mak’ature, Na3ionaluri Dudoçvalaş Nazirobaşi Musteşarot ixandu. 1977-şen 1980-akis Zoğaşi Mencelepeş Sardali rt’u. 1980-şi Mariaşinas iqu tek’audi. 12 St’aroşina 1980-s malimuri darbeten niçinu xe3ala ok’iduşi dulya; 1983-şakis iqu Dudnaziri. 1983 3’anaşi 3xunas i3xunu dep’ut’at’i Mp’olişen 17. p’eriodis. Çileri do ar bereşi baba na ren Saim Bulend Ulusus uçkin İnglisuri do İt’alianuri nenape. Emus uğun Turkuli Silaxoni Mencelepeşi Mağali Odulyobaşi Medali, Tunusişi Oxen3aleş P’rezident’obaşi Mağali Moxvalobaşi Medali do Amerik’aşi Ok’ont’aleri Oxen3alepeşi Dudoçvalaş Nazirobaşi Mağali Moxvalobaşi Medali.



                                                                                                                                                              TÜRKÇE