DUDBUT'K'A

DUDNAZİRİ YİLDİRİM AKBULUT

Yildirim Akbulut dibadu 1935-s Erzincanis. Baba muşi ren Omer Begi do nana muşiti Rabia Xanumi. Muşi baba PTT-şi memuri na rt’u şeni, emuk ik’itxu Turkiaşi çkvadoçkva dobargalepes. Geç’k’apuroni n3’opula Eskişehiris, oşkenda n3’opula Samsunis, liseti Erzincanis ik’itxu. Mp’olişi Universit’eşi Xuk’uk’işi Fak’ult’e oçodinuş k’ule idu malimuri odulyobaşa. Ok’ule qu advok’at’oba Erzincanis. 1983-s (ANAP) Nanadobadonaşi P’art’iaşen Erzincanişi mebusi i3xunu. 1984-şen 1987-şakis odulyoba meçu doloxeni dulyapeşi nazirot. 1987-s xveneri 3xunaş k’ule i3xunu dudmaxvence Meclisişa. 9 3’ilva 1989-s Turgut Ozali i3xunuş k’ule, dudnazirobaşa vekiloba qu do emuşk’uleti ANAP-işi generaluri dudmaxvence i3xunu do 47. xe3ala kogedgu. 23 Mbulora 1991-şakis dudnaziroba qu.

18 İgrik’a 1999 tariğis xveneri 3xunaş k’ule i3xunu dudmaxvence meclisişa. 3’ana 2000-şakis qu dudmaxvencoba meclisişa. İqu namzet’i p’rezident’obaşa. Mara naşku namzet’oba muşi 3xunaşi majurani t’uris. 17., 18., 19. p’eriodis Erzincanişi do 21. p’eriodis Ank’araşi mebusoba na qu Yildirim Akbulut, çileri ren do uqonun sum bere.



                                                                                                                                                              TÜRKÇE