|
MAEST'RO VAXT'ANG CORDANİA
Vaxt’ang Cordania dibadu Tbilisis, 9 Xrist’ana 1942-s. Vaxt’ang Cordania rt’u çinoberi mamusik’e. Na dibadu Tbilisis xut 3’aneri rt’uşen doni p’ianoşi dersepe ezdu. Uk’ule gamaxtu Tbilisişi K’onservat’oriaşen. Edo ezdu simponia do op’eraşi dersepe Leningradişi K’onservat’orias. Edo gamaxtu ekolen xçetomonobaşi şinobate. 1971 3’anaşi Herbert von K’arayaniş ok’oç’işobaşi irişen mağali p’rizik arşvacis doçinapu. Legendaruli Yevgeny Mravinsk’işa manuşvalobaşi moç’k’ate, na dibargu Amerik’aşi Ok’ant’aleri Oxen3alepes 1983-şakis, Vaxt’ang Cordaniak xes okaçu beciti p’ozisionepe iroras, musik’aşi direkt’orot Leningradişi Radioş Ork’est’rişa, Sarat’ovişi Filarmoniaşa do Xark’ovişi Filarmoniaşa. Çaikovsk’işi ok’oç’işoba iktalinu jur fara muşi bigate. Ar 3’anas oşişen met’a k’on3ert’i oktalute, mteli Sovieturi dobadona Davidi do İgor Oistraksi, Leonid K’ogani, Dimit’ri Şostakoviçi, K’iril K’ondraşini do Emil Gilelsi steri mamusik’epe k’ala goxtu.
1983-s, violinist’i Vikt’oria Mullova k’ala idu Finlandiaşa musik’aluri t’uri oxvenu şeni. Entepek okaçes t’aksi mok’axtu şeni sinori İsveçişa. Xe gun3’k’es Gulvayari dobadonas noğamşine oqopinu şeni. Gulvaşa xe gun3’k’uş k’ule astaxolot, yextu saxneşa Carnegie Hallis. Uk’uleti yextu saxneşa İnglandia, Fransia, Germania, Aust’ria, Holandia, Belgia, Sp’ania, Jap’onia, K’orea, İrlandia, Ağani Zelandia, Aust’ralia do Omjore Amerik’as. Vaxt’ang Cordaniaşi dobadona Okorturaşi Resp’ublik’ak meçu emus xçetomonobaşi medali. Uk’rainakti meçu emus irişen mağali xçetomonobaşi medali musik’aşi speros. Maest’ro Cordaniak noktalu uk’ore3xu çinoberi op’eraşi oxorepe Rusias, Amerik’aşi Ok’ont’aleri Oxan3alepes, Uk’rainas do K’oreas, Bolşoi do K’irovişi Teat’repe k’ala. Vaxt’ang Cordania meçu muşi şuri Ğormotis Brodvayis, 4 Gimua 2005-s.
|
TÜRKÇE
