DUDBUT'K'A

DUDNAZİRİ TANSU PENBE ÇİLLER

Tansu Penbe Çiller Mp’olis dibadu, 24 Pukrik’a 1946-s. 1954 3’anaşi 3xunas CHP-şi list’eşen dep’ut’at’i oqopumu şeni Bilecikişi valiloba na naşku, Muslimani Gurci cinconi Huseyin Necati Çiller do Muazzez Çillerişi bere ren. Amerik’anuri K’ulanuri K’olejişen gamaxtuş k’ule Robert K’olejişi Ek’onomiaşi burme notamamu. Qu mağali lisansi Nev Hampshireşi Universit’e do dokt’orati Connecticut Universit’es. İxandu Yaleşi Universit’es. İqu do3ent’i 1978-s do p’rofesori 1983-s. Tansu Penbe Çillerik kogeç’k’u p’olit’ik’as 1990-şi çodinas DYP-s. 1991 3’anaşi 3xunas i3xunu dep’ut’at’i Mp’olişen. İqu ek’onomiaşen coğabinameçaps naziri, Suleyman Demirelişi dudnazirobas SHP k’ala artot 3’opxineri k’oalisionuri xe3alas.

Suleyman Demireli p’rezident’i i3xunuşi, DYP-şi generaluri mdivanişa k’andidat’i na iqu Tansu Penbe Çiller, irişen mağala reyi komogu do i3xunu generaluri mdivani 13 Mbulora 1993 tariğoni DYP-şi uzamanoni didok’oxtalas. Turkiaşi iptineri oxorca dudnaziri iqu. 25 Mbulora 1993-şen 6 Mirk’ani 1996-şakis dudnaziri rt’u 50, 51 do 52. xe3alapes.

İqu Galeni Dulyapeşi Naziri do Manuşvale Dudnazirişa 1996 3’anas RP do DYP-şi menceliten 3’opxineri 54. xe3alas. Koz’iru p’ost-modernuri darbe 28 K’unduraşi p’eriodis. 3 3’ilva 2002 tariğoni ordoneri generaluri 3xunas DYP-s dobağineri reyi var maginu. Emuşeni naşku DYP-şi generaluri mdivanoba. Tansu Penbe Çiller rt’u dep’ut’at’i Mp’olişen 19, 20 do 21. p’eriodepes. Kimoceri do jur bereşi nana na ren Tansu Penbe Çilleris uçkin İnglisuri do Germanuri nenape.



                                                                                                                                                              TÜRKÇE