|
RİZESP'ORİ, ÇKVA DİBAĞUN MOXORONAPİT!
1953 3’anas amat’eurot na ik’ideren do osteruşa na geç’k’eren Rizesp’oris 1968 3’anas p'rofe3ionaluri t’akimi aqveren. 3aşperi – jvari perepeten p'rofe3ionaluri ligapes maarta fara Turketişi 3. ligas osteruşa geç’k’eren, am orapeş doloxe çkar amat’euri ligapeşa var meleren, 1978-1979 fut’bolişi sezonis 2. ligas şamp’ioni iqveren do Turketişi 1. ligaşa yexteren.
St’adiumiş galendoni oinepeten ginz’e orapes na noğindinu Rizesp’ori, xeleberi çodinaşa 1979-1980 sezonis nunç’işeren do 1. ligaşa yexteren. Em sezonis ligas maxutani na iqveren Rizesp’orik otxo didi t’akimişi (T’rabzonsp’ori, Beşik’t’aşi, Galat’asarayi, Fenerbaxçe) oşkurononi izmoce iqveren. Rizesp’orik, otxo didi t’akimişa muşi sahasti, dep’lasmanisti var icgineren do didi ar gecginoba mogeren.
09 K’undura 1991 t’ariğis na ixvenu Uoxvamç’k’e Generaluri Asambleten Uçazoğaşi raionişi irişen didi ar fabrik’a na ren “Çaykur”i k’ala ok’uik’ateren do “Çaykur Rizespor Kulubu” coxoten em oraşen doni p’rofe3ionaluri ligapes osteruşa naqoneren.
Rizesp’orişi p’rofe3ionaluri ligapeşi ist’oria aşo ren:
3. (masumani) liga: 1968-1974, 1993-1994
2. (majurani) liga: 1974-1979, 1981-1985, 1989-1993, 1994-2000, 2002-2003
1. (maartani) liga: 1979-1981, 1985-1989, 2000-2002, 2003-2006
Sup’eruli ligas na mogu ist’oriuli gecginapapeti asteri ren:
12 K’undura 2001 - Çaykur Rizesp’ori 5- Beşik’t’aşi 1 – Turketişi sup’eruli ligaş maçi
28 3’anağani 2004 - Galat’asarayi 0- Çaykur Rizesp’ori 5 - Turketişi k’upaşi 3. t’urişi maçi
Edo a3’i ağani ist’oriapeş oç’aruşi ora ren. Çkin moxelit Rizesp’ori, çkva dibağun moxoronapit…
|
TÜRKÇE
