|
AR FİLMİ: DONGELİŞİ KARXANA
“Dongel” coxoni kerxanaşi mance Bertanik, Rusuli mafiaşi numxvacute Rusiaşen moqoneri 3’urak’ape imt’esşi mafia k’ala didi derdis dololaps. Mafiak na ak’vandu para meçamu şeni bank’aşen k’redi eç’opups. Mara e3xaluşi oras var uk’unaçinen para do bank'ak xe gedumers kerxanas.
Am meç’vaşa naxondinu şeni gza na gorupan p’at’roni do 3’urak’apek na muxtes dido k’ai ar ambarite mcveşorapes na uğut’es xelobaşa nunç’uşunan: Ank’arak bank’aşa xe gedveren do bank’aş xes na ren oktalepeşen ar teri mogaponi noktinu şeni gamaçamuşa k’arari meçeren. Amuşeniti list’es “Dongel Oxeluşi Tesisepe” coxote na ren oktale i3xunen do am vazife şeni dobadona muşişen çkva mutu na var onç’els dido durust’i k’oçi na ren Keskini coxoni maktale itayinen. Amuşk’ule 3’urak’ape do Bertani oxen3aluri memuri, Dongeliti “Karxana” nikten. Do “k’arta mutxa dobadona şeni” ren.
Kerxana “Karxana” na a3’onen Ank’ara… Dobadona muşi şeni k’arta meç’iroba olaguşa xaziri na ren Keskini… Bozobiç’i p’at’roni Bertan… Utole resep’sionist’i Hicri… Xark’i 3’urak’a… Sotinuri 3’urak’a… Mont’k’orişi dukani gon3’k’imu şeni sermaye…
Maktale: Hakan Algul; Senario: Necef Uğurlu; Masağalepe: Metin Akpinar, Ahmet Uğurlu, Şenay Gurler, Goncagul Sunar, Şebnem Sonmez, Fadik Sevin Atasoy; Muşi sort'i: Drama-k'omedia; Muşi nena: Turkuli; Muşi dobadona: Turkia; Xvenaşi 3'ana: 2005.
|
TÜRKÇE
