|
M3'K'O OŞVELUS NARGEN
Yulva Uçazoğaş Raionis dido na niçanen m3’k’o bazarepes do mark’et’epes şvela na gorupanpe k’eleşen incubalinen.
Uçazoğaşi T’eknik’uri Universit’et’işi Feni do Nç’arolobaşi Fak’ult’et’işi Kimyaş Burmeşi ak’ademiaş k’oçepeşk’elen m3’k’oş jin na ixvenu goşogorapaten am xiliş doloxe ant’iok’sidani na ren do k’anseriş oşveluşa na nirgen oxoi3’onu. Na ixvenu ak’ademiuri xandapes, insulini steri dulyape na ikips şeni maartani, diabetiş zabunabos do dido zabunobapes k’ai na nargen na iz’iru m3’k’ok xolo, omraluşi ormonepe oxampu, korbaş moçodinuş on3’uranu, k’inaş dork’inobaş mejilapu do p’rost’at’işi p’roblemepe mek’arbu steri çkvadoçkva zabunobapeş şvela meçamus beciti rolepe uğun.
Goşogorobaş çodinas 1 k’ilogrami m3’k’os doloxe, 2.215 ml p’ot’asiumi, 55 ml sodiumi, 179 ml magneziumi, 153 ml k’alsiumi, 0,9 ml t’angi, 1,9 ml ç’ink’o, 8,3 ml k’ina do 24,2 ml mangani iz’iru. M3’k’os na uğun ant’iok’sidanişi k’ap’asit’e do ak’t’ivit’e mutepeşi na oxoi3’onu xandas 3’k’ari muşis doloxe dido ant’iok’sidani maddepe iz’iru. Mara emuş doloxe t’angi do ç’ink’o steri monk’a do zararoni maddepe dido ç’it’a na ren içkinu. M3’k’os na gamiğinen ant’iok’sidanepe, k’oçepeş xura ok’sidanepeşi zararepeşen çumers, alzaimeri, diabeti, ucre do t’k’ebiş zabunobapeşa dido nirgen. Xuraşi ucrepe na oktiraps do k’anserişi mt’eri na ren m3’k’o, ç’amişi do oç’k’omaleşi indust’rias oxmaru şeni ixandinen.
|
TÜRKÇE
