|
NANANENATE GURAPA DO M3İKANOBAŞİ HAK'EPE
Nananenate Gurapa do M3ikanobaşi Hak’epe coxoni svara, Gamamçkumala Sorunişi Xalk’epeşi Tarixi do K’ult’ura seriaşen 2005 3’anas Mp’olis gamiçkvinu. Svaras gez’in st’at’iape am k’oçepeş k’elen noç’are: Ali İhsan Aksamaz, Turabi Saltik, Şukru Guvenç, Eyyup Demir, Kemal Kok.
Svaraşi k’ap’ulaş k’eleni motvales: “Nananenate gurapa, m3ikanobaşi hak’epe, k’ult’uruli hak’epe, etnisit’eşi p’roblemepe cemiet’is ok’oiğarğalinen. Tema "nasionaluri p’roblema"şi çerçeves iğarğalinen mara etnisit’e do "k’ult’uruli hak’epe"şi p’roblema go3’oidginen. Halbuki temaşi mejağarğalu do o3’k’aşi metodiş omralu ren p’olit’ik’uri. Oxoşkveri do demok’rat’iuri p’latformis na var mejiğarğalinen am beciti tema ar k’ele murteci, k’onservat’ori do reak’sioneri k’oçepeşi abluk’ate ekst’re muşişen imendranen do majura k’eleti tema sloganuri tkvalaşa na geonç’aps k’oçepeti iz’iren. Ofisialuri tarixişi gagna k’ala ofisialuri ideologiapeşi abluk’aş mojiluşa namzet’i xandapeti cemiet’iş k’elen var imancinen. Sosiologiuri maamege xalk’i do sosialuri sinifişi mtinobaş movaru, mek’arbu do asimileşi gagnaşen na yeçkindun tesirepe "k’vazali" ideologiaş am temaşi up’olit’ik’obasti iz’iren. Am svaras, Lazi, Kurdi, Ç’erk’ezi, Turki dç. xalk’epeşi tarixi do k’ult’ura imancinen do xalk’epeşi k’vandape do ç’irobape mejağarğalus guin3’k’en. Temaşi cincis k’arta maamege xalk’epeşi p’olit’ik’uri-sosialuri moçituşi ok’vak’idinu ren. Svaras, xalk’epeşi tarixi do k’ult’uraşi temas çkvadoçkva aksionepete na içinen maç’arepeşi çkvaneri st’at’u do p’ersp’ekt’ivepes meç’areli st’at’iapeşen 3’opxineri, am temape şeni ilmiuri do uğnose me3’k’omilupe k’rit’ik’uri memxvacute oçodinu na 3adups vasfepe uğun. Edoxolo am temape k’rit’ik’uri memxvacinuşa gon3’k’ipt’aşi ilmiuri metodepeti goşinapaps.” ya itkven.
Ok’vanduş t’ilifonişi nomera: 0212 638 81 82
|
TÜRKÇE
