|
XASAN TAHSİN PAŞA
Xasan Tahsin Efendi (Mamoyoğlu- Benli), dibadu 1859-s, Xopaşi maxalle K’uledibis. Kizil Memiş Ağaşi şkvit bereşi art-arti rt’u. Xasan Tahsin Efendi, 93 Xarbişa muşeburot na 3’opxu mencelepe k’ala na ak’atu do Rusepeşa medgineri ok’ok’idinus, yembuz’ğinale na iqu Vi3’uri Xacişahinoğlu Buyuk Halim Begişi k’ulani Nokta Xanumi k’ala içileret’u. Xasan Tahsin Efendik k’işlaşi soti Dudoçvaluşi Nazirobaşa, xe3aluri k’onağişi sotiti oxen3aleşa meçeret’u. Edoxolo Xopaşa arxiten 3’k’ari otiruti oxor3eleret’u. Emuşeniti em p’eriodişi padişaxi Abdulhamit majuaniş k’elen paşanobaşi rutbe meçamute italtifineret’u.
Namtini sebebepete Xasan Tahsin Paşak ok’oi3’k’u Xopaşen ocaği muşi k’ala. Anatoliaşi çkvadoçkva noğapes skidu. Ok’vaçxeti Adapazarişa dibargeret’u. 19 3’ilva 1910-s Mp’olis şuri muşi Ğormotis na meçu Xasan Tahsin Paşa let’as niçinu oğurunale Karacaahmetis. Xasan Tahsin Paşa ren, 1905/ 530 siciliş k’ore3xaloni malime, 1883-s dobaderi Ramiz Benlişi baba do “Lazuri- Turkuli/ Turkuli- Lazuri Ansik’lop’ediuri Leksik’oni” (2004) do “Mamoyepeşi Ocağuri İst’oria” (2005) coxoni xvenape na qu magoşogore, 1928-s dobaderi Faruk Benlişiti p’ap’uli.
|
TÜRKÇE
