|
MEBUSİ XAYRETTİN UZUN
Burok’rat’i do mebusi Xayrettin Uzun dibadu 1945-s K’ocaeli- İzmitişi oput’e Çubukluosmaniyes. Am oput’e, (1877- 1878) 93 Osmania-Rusiaşi limaş k’ule Batumişi nahiye Maraditişi oput’e Oxordia, andğaneri Artvinişi ilçe Borçxa, oput’e Beğlivanişen (ağani coxote “Gureşen”) oxicretuşi derdi na zdu Lazepeş k’elen k’ideri oput’e ren. Muşi baba ren İsmail Begi, nana muşiti Lutfiye Xanumi. Ank’araşi Universit’eş P’olit’ik’uri Çkinapeşi Fak’ult’eşen dimezunu. Maliyeşi nazirobaş muxasebatiş k’ont’rolori, Ok’ont’roluşi dudmaxvenci, P’ersonalur generaluri direkt’oriş manuşvale do Generaluri direkt’oriş vekili, Londraşi didelçobaş maliye do gumruk’uri dulyobaşi k’onsult’ant’i, Turkiaşi meclisiş dudmaxvencobaşi k’onsult’ant’i do generaluri mdivaniş manuşvale do Botaş-işi oktalobaş dudmaxvance do generaluri direkt’ori steri misiape aqu.
Durust’oba muşite çkineri Xayrettin Uzun i3xunu mebusi K’ocaelişen Meclisişi maeçani p’eriodis. 21 St’aroşina 2000-s Beşiktaşis na gedgin meclisişi musafirişoxoris gurişk’rizi na aqu Xayrettin Uzun niqoninu oxzabune Florence Nightingaleşa. Mu na dvaç’irt’u ixvenu tina, meçu şuri muşi saat’i 02:15-s. Xayrettin Uzuni şeni, iptineri 3eremonia ixvenu Meclisis. Uk’açxe meçeti K’ocatepes ondğeneri nemaziş k’ule na i3’opxinu cenazeşi nemaziş k’ule niçinu let’aşa doğurunale K’arşiyakas, Ank’aras. Çileri do jur bereşi baba na rt’u Xayrettin Uzunis uçkit’u Turkuliş met’a Lazuri do İnglisuri nenapeti.
|
TÜRKÇE
