DUDBUT'K'A

NOP'RANİ TXA

Txa ren kralonarepeşi (Bovidae) familiaşen. Am familiaş pucepeşi (Bovinae) tudeni familiaş cinsi Capra na 3’opxups buz’onepe aşo icoxinen. Zirmiç’i do p’i3’k’ina ren. Orç’i oktepes gvalen perpot. K’uçxeşgza do oktepes uşkurnoni gulun. Am sebebite, meç’ireli gzalepes icoxinen txaşgza. Oxirale na ren txa iskedinen mja, t’k’ebi do tiftik’i muşi şeni. Çiçku çiçkili do but’k’ape qorops zade. Tipepe peso muşite 3’k’ips do eşo imxors. Am sebebiteti let’aşi moduloba om3ikanaps. Badi txaşi go3’oncğonerobate artot gulunan. Mt’k’uri txak imxors tamli do çiçku ncapeşi çiçkilepe do t’k’ebepe. Am sebebiteti didi zararepeşa nusebebups.

Muşi krape ren k’irk’oleri k’ap’ulaş k’elendo. Çenge muşi ren pimpiloni. Txaşi motas itkven korit’i, kimolisti tek’e. Maltaşi txas var uğun kra. Muşi gurp’icis uğun jur endranoba muç’o buz’i steri. Keşmiri do Ank’araşi txas uğun xçe, ginz’e bundğape. Antepe tiftik’i mutepeşi na moi3’ondinen txape renan. Maltaşi txa do Saananişi txape irişen dido mja na meçaps txapeşen ren. Antepeşi 3’anuri lakt’asinoi ren 1.000 k’ilo k’onari. Txaşi t’k’ebi ixmarinen xeştati, 3an3a do k’uçxeşmodvalu oxvenus. Puzuri do mont’k’ori muşi ixmaren maoşvalobas. Txaşi mja ren m3ika yağoni. Mara mamgvane ren. Txa ren oxirale mcveşi oş3’anurapeşen doni. Turkias vo3’k’edat na, Ank’araşi txa, tiftik’işi txa do puzurişi txa ren çinaperi.

Jurşuronobaşi p’eriodi uğun 23 doloni k’onari. Ekseri dorinaps ar varna jur mota. Mota dibaden puzuroni do toli gon3’k’imeri. Arjur saat’iş doloxe naqonops nana muşis. Korit’ik anşi tutaş doloxe imorden do imralen. Skidunan 12- 15 3’ana k’onari.



                                                                                                                                                              TÜRKÇE