|
K'AVK'ASİAŞİ NOÇ'AREPE
K’avk’asiaşi Noç’arepe Tarixi Ç’araloba K’ult’ura do Xeşnobaşi Dosia, Çiviyazilarişi seria Mjoraşen na gamiçkvinu, K’avk’asiaşi tarixi, ç’araloba, p’olit’ik’a, xeşnoba do k’ult’uraş temas telifi do tercume noç’arepeşen na 3’opxut’u dosia ren. Gamaçkvaş maxazirepeşi şkas rt’u; Ozcan Sapan, Sezai Sarioğlu, Levent Sergin, Huseyin Demirel, Umit Kaya, istişare heyetis rt’u; Hayri Ersoy, Omer Buyuka, Yaşar Bağ, Ali Çurey, Tarik Cemal Kutlu, Murat Papşu, M. Recai Ozgun, Fahrettin Çiloğlu, Ali İhsan Aksamaz, Ozalp Goneralp, Semih S. Dağistanli, Muazzez Yavuz, Sefer Berzeg. Dosiaşi 1. k’oro3xa 1997-şi Pukrinoras, 2. k’oro3xa 1997-şi Monç’inoras, 3. k’oro3xa 1998-şi Yebargora-Qinoras, 4. k’oro3xa 1998-şi Monç’inoras, 5. k’oro3xa 1998-şi Yebargoras, 6. k’oro3xa 1999-şi Pukrinoras, 7. k’oro3xa 1999-şi Yebargoras, 8. k’oro3xa 2000-şi Pukrinora-Monç’inoras gamiçkvinu.
K’avk’asiaşi Noç’arepeşen kudoni ç’aras; “K’avk’asiaşi Noç’arepe, ‘goşotanu’şi gayreti ren: Gebaz’gineriş, şuuriştude çvaperiş goşotanu; ofisialuri tarixepek, p’olit’ik’uro do k’ult’urulo mani na oğodaps irmutxani tarixişi tema noktinu, insanepeşi do xalk’epeşi ebedi çkinaş goşotanu. Akonaşis, ‘noz’ire’ oqopinu aşikari tkvala va ren yado nenas gebaz’gu unon. … K’avk’asiaşi Noç’arepes; am k’ortas na skidunan k’arta xalk’epeşi goşogora, goşoxosara, tarixi, goşina, dğaluri, ç’araloba dç. temoni noç’arepe iqvasunon. K’ult’ura-xeşnobaşi xandape, rop’ort’aji, aktivit’epeşi ognapu, svara-svaruli-k’aset’epeşi oçinapu geidvinasunon. Vomk’ulanat na; K’avk’asiaşi Noç’arepe, K’avk’asiuri xalk’epeşi ebedi xalepe na ç’arasunon xandaşi idiate gamulun.” yado noç’art’u.
Abxazepe, Adigepe, Çeçenepe, Dağistanurepe, Kortuepe, K’araçay-Balk’arepe, Lazepe, Osetepe, Ubihepe steri K’avk’asiuri xalk’epeş tema na uğut’u, şiddeti do limas na nuğinz’ibups, şoveni t’erminologiate xalk’epeşi cumaloba na oziyanaps noç’arepe na var iç’arinet’u K’avk’asiaşi Noç’arepes; “M3ikanoba do m3ikanuri nenape”, “Arto oskedinu”, “K’avk’asias nasionalist’oba do maok’ortaloba”, “Avrop’aşi k’ortaluri vana m3ikanuri nenapeşi akt’i”, “Movaru do/vana minobaş gejokunuşi temas”, “Olande K’avk’asias etnik’uri k’abğape”, “SSRA-s etnik’uri minoba”, “Margalona: Okortuleşi dologzeri ağani k’orta” kudoni mak’alepe gez’it’u.
|
TÜRKÇE
