|
AR FİLMİ: K'ATURİ MENCELİ
Luther Vhitney ren 3adaloni mamxire. Nusimins k’lasik’uri musik’a. Teat’ri, balet’i, op’eraşa ulun. Muzeumepe moik’itxups p’eriodurot. Mskva dolokuneri ren. Mitis çkar var oxva3’onen, eya maxirce na ren. Paği ren. Mç’ipesimadoni ren. İxandeps muşeburot. Çili muşişen ok’o3’keri ren 3’anapeş 3’oxle. Ar k’ulani uqonun. K’ulani muşi ren advok’at’i. Va renan z’ireli artikarti. Goçups didote malikxana na uğun xampapeşi oxorepe. Aşote skidun. Çkva dovibadi yado isimadeps do gonk’vatups otek’audus. Mara 3’oxle tek’audoba muşis na dubağasunon k’onari geç’areli moguşi ren. Am geç’areli na magasunon oxori goşagorups. Noxosaruş k’ule, Lutherik gonk’vatups goçvu şeni Christy Sullivanişi oxori. Ar-jur dğas Christy do kimoci muşi noğaşi gale na iqvasunonan kognaps. Aya ren didi fursat’i emuşeni. Oxorişi alarmiş sist’emaş şifrepe gei3’k’aps. Oxori goçvu şeni var uğun çkar endoli. Christy Sullivanişi kimoli, Valter Sullivani ren dido xampa k’oçi. Menceloni k’oçi ren. Sivili, malimuri mtel burok’rasias tesironi k’oçi ren. Murenki Valteri sum fara didi ren çili muşi Christyşen. Ğureli iptineri çilis na nungapt’u şeni, emuk’ala içileren.
Lutherik amulun oxorişa perpot em seris. Ğirsoni mucevherepe na ren odaşa nunç’uşun perpot. Na nixiru ondepe k’ala gamulut’uşi xonarepe ognaps. Var amt’inen sotişa. Odas kelant’k’obun. Odas uğun muşiuroba. Oncireş odaşi doloxe am ç’it’a odaşen mtel ondepe iz’iren. Mara am ç’it’a odaş doloxenepe var iz’iren oncireş odaşk’elen Na o3’k’en k’oçis az’iren xvala ar yali do yalisti ti muşi. Lutherik am odas dont’k’obun. Lutherik na dgin sotişen na z’irops oncireş odaşi lamba nidvinen do mitxani jur k’oçi amulun. Entepeşen arti ren Christy Sullivan, majurati dobadonaş emindroşi p’rezident’i. Lutherik z’irops ondepe, namu na va rt’u oz’iramuşi.
P’rezident’i Alan Richmondik skidun t’k’obaş qoropa Christy Sullivani k’ala, namu na ren muşi xolosoni dost’işi çili. Alan do Christyik ok’oistert’esşi, k’abğa kogeoç’k’aps. Edo çodinas Alanik noqvilups Christy. Lutherik z’irops mtel oğodape, na rt’u sotişen, mara çkar mutu var axvenen. P’rezident’i do muşi jur badigardik oxorişen gamalut’anşi, oxo3’onapan, oxoris ar mitxani na ren. Aya ren hemi k’ai hemiti p’at’i entepe şeni. Lutheri oqvilu unonan emedeni. Aşopeten eya nuk’abaxat’asunt’es. P’at’i ren muşendo Lutherik imt’eret’u ekşen. Mara mç’itaşekole k’amerapete yeşiğapan Lutherişi fot’osureti. Uk’açxeti Lutherişi minoba koz’iropan. Oxorişa mexiru şeni na amaxtu mitxanik Christy doqvilu yado ognapapan. Gazetapek, t’eleviziak meçaps Lutherişi minoba do eşkali. Mitik var icers Lutheris. K’ulani muşikti. Aşopete kogeoç’k’aps k’oçişi avi. Ar k’elendo p’rezident’işi mpuleri servisişen xolosoni k’oçepe, majura k’elendo dedekt’ivi Seth Frank ren Lutherişi k’ap’ulas.
Maktale: Clint Eastvood; Maxvene: Clint Eastvood do Karen Spiegel; Sinemat’ografia: Jack N. Green; Musik’a: Lennie Niehaus; Edit’ori: Joel Cox; Romani: David Baldacci; Senario: Villiam Goldman; Sort’i muşi: Macera; Masağalepe: Clint Eastvood, Gene Hackman, Ed Harris, Laura Linney, Judy Davis, Scott Glenn, E. G. Marshall, Dennis Haysbert; St’udio: Castle Rock Entertainment, Malpaso Productions; İptineri oz’iramuşi tariği: 14 K’undura 1997; Dobadona muşi: AOO; Nena muşi: İnglisuri; Ginz’enoba muşi: 121 3’uti; Biucet’i muşi: 50 milion Amerik’aşi dolari.
|
TÜRKÇE
