|
OLANDE K'AVK'ASİAŞİ MİTOLOGİA
Nuray Gok Aksamazik na xaziru Olande K’avk’asiaşi Mitologia Nartepeşen Doni coxoni svara, Gamamçkumala Sorunişi, seria Xalk’epeşi Tarixi K’ult’uraşen 2001 3’anaşi 3’anağaniş tutas Mp’olis gamiçkvinu. Svaras, K’avk’asiaşi mitologiaş beciti no3’ile Narturi destanepe goşigorinen. Svaraşi çodinas maç’areşi Narturi destanepeşen ilhami eç’opinute ç’areli 24 leksi gez’in.
Svaraşi doloxe; Olande K’avk’asiaşi xalk’epe, Narturi destanepeşi cinci, Narturi destanepeş varyant’epeşi ok’iyasu, Narturi destanepeşi k’abğape, Nartepeşi xususobape, Narturi destanepeşi irişen beciti mot’ifepe, Adiğepeşi tabietiş mencelepe na osimbolaps mitologiuri ilahepe, Osetepeşi ilahepe, maçumale şurepe, Abxazepe, Çeçenepe, İnguşepeşi ilahepe, maçumalepe, Svanepe, Margalepe, Kortuepeşi ilahepe, Narturi destanepeşi tenak’uzepe, Narturi destanepeşi unsurepe steri temape geç’ars.
Svaraşi k’ap’ula k’ilifis: “3’oxle efsanepe rt’u. Kiana do k’oçinobaşi tarixiş iptineri odudepe antepe rt’u... Efsanepeşi geç’k’ala, em oraşi m3’k’upi do mpulapeşi oşkas na imağalet’u germa Elbruzis zencirite mek’ireli P’romete reni varna Narti Nasreni reni? Msva meçaneri 3xenepete mtvironi germapeşen zenepeşa putxineri na ginç’et’es gurami Nartepe… Ar toloni divepe... Antepe mcveşi Yunanuri mitologiaşen ezdimeri reni? Varna mcveşi Yunanepek K’avk’asiaşen yibarges do germa Olimposişa didargesi?” do “Narturi destanepek mcveşi Ç’erk’ezepeşi skidalaşi tarzepeş temas ğirsoni çkinape momçapan. Destanepeşi oğodape, udobarge cemietis vardo xaçka do maskindinobate na ibodet’es dobargeri cemietis iskedinen. Destanepe k’ala p’aramitişi vasfi na uğun hekayepeti koren.” yado maanape ixvenen.
Numçinuşi nomera: 0212 638 81 82
|
TÜRKÇE
