|
NUBİHAR KURDURİ Ç'ARALOBAŞİ SVARULİ
Nubihar, Kurduri ç’aralobaşi, xeşnobaşi do k’ult’uraşi svaruli ren do sum tutas ar gamiçkvinen. Nubiharişi gamaçkvaşi umumi mudiroba Suleyman Çevikik ikips do Kurduri svaruli do svaraşi gamaçkvalobaşa ciddi numxvacups edo 18 3’anaşen doni gamiçkvinen. Svaruli gamoçkumers Nubiharişi gamaçkumalek, Kurduri do Kurdurişen Turkulişa goktirupe iç’aren, Turkialuri Kurdepeşk’elen 1992 3’anaşi Gimua tutaşen doni istikraroni gamaçkvineri arteri Kurduri svarulişi xususoba uğun.
Nubiharik, magamaçkvalobaşa geoç’k’uşen doni Kurdepe, Kurdepeşi cemieturi st’at’u, tarixuri tecrube, ç’araloba, k’ult’ura, k’lasik’uri noç’arepeşi temapete gamoçkumers. Nubiharik, Kurdepeşi minoba movareli resimuri emp’oze ixvenentina rasist’obaşa medgineri, t’ansioni do ardebeş omendranuşa gecgineri Kurdepe, Kurdi grup’epe do p’art’iape k’ala çkar k’abğaşi t’arafi var iqven edo akliselimi, dialogoni, p’rensip’oni do originali magamaçkvaloba ikips. Muslimanepeşa do İslamişa hurmetoni, muşi gamaçkvaşi xat’işen utavizoni, uk’abğoni, çkvalepe k’ala dialogi unon do ok’ok’atu şeni oboderi p’olit’ik’uri p’ozisioni uğun.
Gamaçkumale Nubiharik, TRT 6 k’analişi ge3’opxusti k’aixeşa numxvacu. K’lasik’uri svarape do Kurdepeşi k’imetepe oçinapu şeni svarapeşi gamoçkvinus naqonops. Moxtanorasti Kurdepeşi tarixi do k’ult’ura temoni svarapeşi gamoçkvinu noğiraps. Medresepe gon3’k’imeri 1950-oni 3’anapeşakis mutepeşi nena do k’ult’urate geskideri Muslimani Kurdepek, Nubihari gamiçkvinuşakis Kurduri nena var inç’eles varna majura Kurdepe k’ala ok’oşvelus var nanç’es. 1990-oni 3’anape şk’ule Nubiharişi tesiriteti Kurdepeşi majura k’isimepe do dindari Kurdepeşi oşkandes dosturi dialogi kogeoç’k’u. Dindari Kurdepek nena, k’ult’ura do ç’araloba golaxtoraşen umosi dido onç’elus kogeoç’k’es.
|
TÜRKÇE
