|
URUMURİ GAZETA APOYEVMATİNİ
Apoyevmatini ren dğaluri yegane gazeta, Turkias Urumuri gamaçkvineri. Apoyevmatini “ikindişi oras” tkvala ren do ikindişi gazeta yado 11 X3ala 1925 tarixis geik’ideren. K’onst’andinos Vasiliadisi do Odisseas K’ristalidisik, St’amp’olişi madoxore Urumepeşi ok’oambaru şeni gazetaş ok’iduşi izni eç’operenan. Gamaçkvaşi umumi maktalobaşi vazife hemi Grek’ias hemiti Turkias magazetaloba xveneri K’avalieros Mark’uizosişa niçineren. Mk’ule oraşk’ule entepeşa ak’ateri Gregorius Yaveridisik maktaloba eç’operen. Yaveridisi dido k’un3xineri do ot’osansuri k’aixeşa çkineri k’oçi rt’u şeni emuşi vaxtis gazetas çkar mesele var uğut’eren. Gazetaşi t’iraji 1920-oni 3’anapes 15.000 k’onari t’eren. Gazetaşi andğaneri mance do mesuli mudiri ren Mixalak’i Vasiliadisi.
Gazeta Apoyevmatini, St’amp’olişi enderi k’idalapeşen arteri ren, gek’ideri dğaşen doni artneri adresis dobargeri. Gazeta, cadde İstiklali No:166 Beyoğlus p’asaji Suriyes dolonişi xuti dğas, otxo but’k’a do uça-xçe gamiçkvinen do tak’ribi 500 adedi gamiçinen. Gazeta abonepeşa p’ost’ate incğonen do K’urtuluşi, Ferikoyi do Beyoğluşi gazetaş bayepesti gamiçinen. Apoyevmatinik Turkias 85 3’ana goloçkvu do but’k’ape muşis cumxuriet’işi iptineri 3’anapeşa m3ikanobaşi tolite o3’k’en. Gazetas artneri p’eriodis Turkia-Grek’iaşi munasebet’epeş almanak’işi misioni uğun do Turkiaşi xalk’epe do Urumepeşi munasebet’iti irişen k’ai doloç’areli t’ekst’iş xususoba uğun. Gazetas ekseri cemaat’işi dobada do ğuraşi ambarepe, vaftizi do xvamaşi ognapape k’ala Turkia, Grek’ia do Avrop’aşi Artobaş onç’eloni ambarepe geiç’aren.
|
TÜRKÇE
