|
ART FİLMİ: 3AŞİ BEREPE
Filmik, fuk’ara ar ocaxişi berepe Ali do Zehra coxoni jur ç’it’a da-cumaşi hekaye o3’iraps. Alik da muşişi k’uçxeşmodvalepe matamireşen mumert’uşi gzas gondinups do muşi k’uçxeşmodvalepe da muşi k’ala ok’oxmaru konaç’aren. Baba mutepeşi işumasunon yado ambari var naçenan do emuşeni. Zati u3’van nati baba mutepeşi ağani k’uçxeşmodvali var aç’apasunon k’onari fuk’ara ren. Da-cumaşi ham ç’it’a siri hamuşk’ule irişen didi macera mutepeşi iqvasunt’u. Da-cumas doguraleşa ulurt’esşi k’uçxeşmodvalepeş oktiru konaç’irenan. Zehrak dersişen ordo gamulun. Ali k’ala sokağis k’uçxeşmodvalepe iktirupan. Alik unk’ap’un nati desişa iro ayanen do mamgurapeşen azari ognaps. Art dğas masumalobaşi mukafati sp’ort’uli k’uçxeşmodvaloni ok’oç’işuşa ok’atu kodolingonops. Ok’oç’işus masumani oqopinu do mogaperi mukafati Zehraşa meçamu koniğiraps. Moxvadinu şeni dido ixandeps nati maartani iqopen mara k’uçxeşmodvali var magen şeni guris dido naç’ven.
Ham muesiri filmik masumobaşi, kederişi do k’ararobaşi hekaye oxo3’onapaps do İranişi sinemaş çodina p’eriodişi irişen mskva filmepeşen arteri ren. Ham muxteşemi filmik da-cumaşi ç’it’a siri do didi macera o3’iraps do da-cumaşi qoropa do ok’omxvacu, k’aobaşi arzu do samimi hisepete k’aobaşi goşo3’iru steri doguruşi hekaye uğun. Art beres guri mu uç’vaps na emuşi on3’uranu şeni bereşi opatkalu do dido meç’voni ar çodina; mahrumobaşi bedeli.
Maktale: Majid Majidi; Senario: Majid Majidi; Masağalepe: Mohammad Amir Naji, Amir Farrox Hashemian, Bahare Seddiqi, Nafise Jafar-Mohammadi, Fereshte Sarabandi; Ç’eşidi muşi: K’omedi, drama; Dobadona muşi: İrani; Nena muşi: Farsuli; 3’ana muşi: 1997; Ora muşi: 89 deik’e; Originali coxo muşi: “Bacheha-ye aseman”.
|
TÜRKÇE
