|
ARMENURİ GAZETA Z'AMANAK
Z’amanak, Armenuri dğaluri siaset’uri gazetae do St’amp’olis gamiçkvinen. 28 Gimua 1908 tarixis Sarkis do Misak Koçunyani cumalepeşk’elen gei3’opxu do t’iraji muşi 15000 k’onarişa konunç’uşu. Gazetaşi t’iraji 1930-oni 3’anapes 3600 k’onarişa kodirk’inu do andğas 2000 k’onari gamiçinen. Gazetas ocaxuri şirketişi z’irapa uğun. P’ap’uli muşi k’ala artneri coxoni Sarkis Koçunyani gazetaşi mancee. Gazetaşi mesuli mudirie çili muşi Nadia Koçunyani, dudmaç’aree skiri muşi Ara Koçunyani.
Z’amanak, Armenepeşi matbuatiş tarixis gamaçkvineri irişen mcveşi Armenuri gazetae. Turkias maoşani 3’ana golaçkveri maartani do arteri gazetae. Am sebebite gazetaşa Turkias dido mukafati niçinu. Gazeta, ginz’e 3’anapes Karakoyis, emuşk’uleti raioni Tunelis, Narmanli Hanis gamiçkvinu. Andğas, cadde İstiklali sokaği Postacilar No:4 Beyoğlu adresis gedgineri Santa-Maria Hanis, mjaçxas vardo majura dğalepes gamiçkvinen. Gazeta otxo but’k’a do uça-xçe ixazirinen do St’amp’olişi çkvadoçkva sotinuri bayepeşa incğonen. Gazetas bilasa Turkialuri Armenepeş cemaat’işi ambarepe, galen gamaçkvineri Armenuri gazetapeşi ambarepe do Turkiaşi dğaluri siaset’uri ambarepe geiç’aren.
|
TÜRKÇE
