|
UZEYİR GARİH
1929 3’anas St’amp’olis dibadu. 1951 3’anas St’amp’olişi teknik’uri universit’eşi makina fak’ult’eşen mağala makine muhendisi yado dimezunu. Garihi, Yahudi art ocaxişi mensubie. Firma Carrier Corporationişi Turkia şubes oxandus geoç’k’u. 1954 3’anas İshak Alatonişi oç’andute Alark’o k’olekt’ivi şirketişi oşkari iqu. Em tarixişen ğuruşakis Alark’o şirketepeşi grup’is İshak Alatoni k’ala arto umeç’k’vidu dudgaloba qu. Uzeyir Garih, Tusiad, Deik, Mess, Loyd Vak’ifi, Sisav, Rotary, Lions, Propeller, St’amp’olişi sinai odaşi meclisi, T’urizmişi mamevduatepeş ok’oxtimale, Aiesec do mengaperi sotinuri-xark’i dido vak’ifi do ok’oxtimalepeşi oktala do muşavereşi heyetepes vazifepe aqu. Turkia-Belçik’a Deik do Tokyadişi dudgaloba qu. Uzeyir Garih, Deikişi oktalaşi heyeti, St’amp’olişi sinai odaşi meclisuri mak’ature, Turkia-Belçik’a heyetişi dudga, Turkia-K’anada heyetişi majurani dudga, Tusiad mağala istişare heyetişi mak’ature rt’u.
Bilasa oktala-organizasioni do ek’onomi k’ala alak’adari ç’arape muşi gazeta Turkish daily news do Akşamis dolonis art do jurnali Babialis tutas art gamiçkvinu. Uzeyir Garihişi 3’oxleni hobi, ağanmordepeşi gamantanu şeni oxandu rt’u. Tecrubepe çkimi coxoni 5 cildi, Dulyaşi skidala çkimişen no3’ilepe coxoni 1 cildi do gamaçkvale Hayatişi nogamaçkve 8 cildi svarepeşi maç’aree. Edoxolo Yeditepe Universit’eşi Mba p’rogramis organizasionişi dersepe oguru. 1984 3’anas İ.T.U.-şen fahri doktorişi unvanite italtifinu. 1990 3’anas Filip’inepeşi Cumxuriet’işi, St’amp’olişi fahri dudk’onsolosi vazifeti uğut’u. Çileri do jur bebeşi baba Uzeyir Garihis, İnglisuri, Frangiuri do Esp’aniuri nenape uçkit’u. Uzeyir Garihis, 2001 3’anaşi 25 Mariaşinas, Eyubişi sapules xami no3iges do doğurines.
|
TÜRKÇE
