|
ART FİLMİ: TUTAGVERDİ
Tutagverdi (Half Moon) Bahman Ğobadişi 2007 3’anas noç’are do noktale filmie. İrani, Avust’uria, Frengia do İrak’işi oşkari noxvene filmie. 2007 3’anas St’amp’olişi Oirkianuri Filmiş Fest’ivalis mukafati komogu. Mono3’k’ede 23 matenk’ideş irxolok filmi p’ozit’ivi otenk’ides. Filmi mamulişi ok’ok’idinu ixvenen art sotis geoç’k’aps. Filmişi geç’k’alas K’ak’oşi p’icişen filmiş temaşi emarepe işignen. Meqoneri sahnepes am metodi dido ixmarinen do muxurişi k’oçepeş sotinuri skidala k’aixeşa oxoi3’onapen, teknologia do namtinoras uoxoktineri çkinapeti maseyrepes i3’irinen.
Mamo ren, muxurişi çinoberi badi art Kurdi mamusik’e do skidala muşi musik’aşa okaderi uğun. İrani do İrak’işi meselepeş sebebite uxtimeri xalk’i muşişa Amerik’ak Saddam Xuseyini geoktuşi nunç’uşasunon do majura mamusik’epe k’ala art k’onseri meçasunon, namut skirepe çkimi u3’umers. Çodina fara finali k’onseri o3’opxu unon, namut oxoşkvaşi mgara u3’umers. Oput’eşi irişen badi k’oçi Mamoşa tutadidi gamaxtaşi p’at’i mutxanepe iqvasunon do emuşeni am k’onseri mo 3’opxupya u3’umers. Art-jur tutaş k’ule Mamo oşkurnoni do ginz’e magzalobaşa skirepe muşi k’ala gedgitun. Heşo coxoni oxorca mabireti gzas elak’atenan. Mara İranis oxorcapeşi obiru memnuneri ren. Mamo dolongoneri ren, magzalobaşa noqonuşa do onz’ğonaşi mek’axtimuşa.
Maktale: Bahman Ğobadi; Senario: Bahman Ğobadi; Masağalepe: Golşifteh Farahani, İsmail Ğaffari, Allah-Morad Raştian, Hedye Tehrani; Dobadona muşi: Avust’uria, Frengia, İrak’i, İrani; Ç’eşidi muşi: Drama; Nena muşi: Kurduri, Farsuli; Ora muşi: 114 dek’ik’e; 3’ana muşi: 2007.
|
TÜRKÇE
