|
DUDCUMXURİ SERGEİ BAGAPŞİ
Sergei Bagapşi, Abxaziaşi Cumxuriet’işi majurani dudcumxuri ren. 9 Mirk’ani 1949-s Abxaziaşi nananoğa Suxumis dibadu. Skidala muşi didote Abxazias goloçkvu. Ağanmordobas Okortuleşi basketbolişi t’akimişi art mak’ature rt’u. Suxumis Okortuleşi Ast’rop’ik’ali Xaçkaşi Oxen3ale Universit’eşen 1972-s ziraatişi muhendisi gamaxtu. Mamguraloba muşişi devres ğvinişi fabrik’as madulyot ixandu. SSCA-şi devres Abxaziaşi Şkaguri Bank’aşi memurepeşi k’ont’rolişi burmes ixandu. 1972-1975 3’anapeşi oşkas Mokvskovo yağişi oxaçkaleşi mudiroba qu. SSCA Silaxoni Mencelepes askeroba qu. Askerobaş k’ule Suxumişi K’ortaluri K’omsomoli K’omit’eşi K’omsomoli K’idalapeşi Dudmaxvencoba do Abxaziaşi K’ortaluri K’omsomoli Mufettişoba qu.
1978-1979 3’anapeşi oşkas Okortuleşi Ağanmorde Şkaguri K’omit’eşi Mak’aturoba do Okortuleşi Oput’uri Ağanmorde K’omit’eşi Dudmaxvencoba, 1979-1980 3’anapeşi oşkas Okortuleşi Şkaguri K’omsomoli Mak’aturoba do Abxaziaşi K’omsomoli K’omit’eşi 1. Sekret’eroba qu. 1982-1989 3’anapeşi oşkas Okortuleşi K’omunist’uri P’art’iaşi Oçamçireşi 1. Sekret’eroba, 1989-1991 3’anapeşi oşkas Abxaziaşi Muxtari Cumxuriet’işi (AMSSC) Oxen3ale Xaçkaşi K’omit’eşi Umumi Dudmaxvenceşi Manuşvaloba qu. 1991-1992 3’anapeşi oşkas Oçamçireşi Xalk’uri Mebusepeşi K’onseişi Dudmaxvencoba, 1992-1995 3’anapeşi oşkas Abxaziaşi Cumxuriet’işi Nazirepeşi Heyetişi 1. Manuşvale Dudmaxvencoba qu. 1995-1997 3’anapeşi oşkas Abxaziaşi Cumxuriet’işi Dudnazirişi 1. Manuşvaloba, 1997-1999 3’anapeşi oşkas Abxaziaşi Cumxuriet’işi Dudnaziroba qu. Vazife muşişi oras Kortu-Abxazepeşi uxuzuroba irişen beciti mesele rt’u. Am mesele 1998-s kogoşigzu do Abxazia-Okortuleşi onz’ğonas askerepe kodibarginu. Yeçkinderi ok’ok’idinu Abxaziaşi lima yado içkinen.
1999-2005 3’anapeşi oşkas Uçazoğaşi Oxen3ale Enerji Şirketişi Umumi Mudiroba qu. Mariaşina 2004-s “Ok’oxtimeri Abxazia” sosio-p’olit’iuri oxonk’anaşi omxvacute dudcumxurobaşi goşo3xunas namzeti iqu. 12 3’anağani 2005-s Abxaziaşi Cumxuriet’işi dudcumxuri goşi3xunu. 12 Xrist’ana 2009-s majura fara Abxaziaşi Cumxuriet’işi dudcumxuri goşi3xunu. 29 Pukrik’a 2011-s Mosk’ovaşi art ozabunales purpuşi zabunobaşi sebebite domiğures.
|
TÜRKÇE
