|
ART FİLMİ: MPULAPE ÇUMERT'AŞİ
Ayşeşi t’rajedi, tarixuri oğodapeşi ubeduri çodina yado geoç’k’aps: maartani kianuri limak do Osmanalişi oxen3aleşi doloxvinuk, Anatolias ağani nasionaluri cereyanepes gza meçeret’u, Uçazoğaşi k’ortas Urumepe do Turkepeşi oşkas didi uxuzurobape do tenak’uzepe yoçkinderet’u. 1916 3’anaşi qinoras Osmanalişi armiak, mk’ule oraş 3’oxle Rusepeş k’elen xegedveri T’amt’raşi geulvaş k’eleni oput’epes miti var naşku. Am oput’epeşi Urumi dobargerepek uorganize art uçvate oxori mutepeşişen geit’k’oçines. Ayşeşi mtini coxo Eleni rt’u do get’k’oçineri Urumi ocaxepeşen arterişi k’ulani rt’u. Eleni 10 3’aneri rt’uşi nana muşi, ç’it’a cuma muşi Nik’o do ç’it’a da muşi k’ala omjore k’eleşa, muç’o var içodasunon steri gzas gedginus niç’ireret’u.
Uçvaşi gzalepes ocaxi muşişi didope mtviriş doloxe doluğuru do Mersinişa nunç’uşuşi, ç’it’a cuma muşi Nik’o k’ala uçareli kodoskiduşi Turki art ocaxiş k’elen skiri koniçkinenan. Ç’it’a Elenişi p’at’işi tecrubeşi t’ravma, ağanmorde Selma k’ala 3’opxeri qoropate im3ikanen. Nik’oşi oxtimuşa var nodgitu do 3’anapeş k’ule skidala muşi lande steri kaderi qoropeli Selmati ğuruşi, Ayşek k’ut’alis şinaxeri k’abaxat’obaşi hisi, doloxeni tefekuri, germapeşen moxtimeri mpulapete, k’omapeşi moğeri xonarepete, ek’askideri gondineri k’oçepeşi suretepete oxoink’anen. 50 3’anaşen doni muşebura k’ixtupt’u k’itxaşa coğabi meçamu uk’ors: Nik’os p’ea şuri gedgini, namut var açvu do oxtimu muşişa var nodgitu edo anşi 3’anerişen doni arçkva var z’iru? So ren? Eya ixursavasunoni?
Maktale: Yeşim Ustaoğlu; Senario: Yeşim Ustaoğlu, Petros Markaris; Masağalepe: İsmail Baysan, Ruçhan Çalişkur, Oktar Durukan, Suna Selen, Ridvan Yağci; Diyari muşi: Turkia, Frengia, Germania, Grek’ia; Ç’eşidi muşi: Drama; Nena muşi: Turkuli, Grek’uri; Ora muşi: 92 dek’ik’e; 3’ana muşi: 2004.
|
TÜRKÇE
