|
P'RİGURAPAŞİ MAJURANİ SİNİFİŞİ LAZURİ SVARA
P’rigurapaşi majurani sinifişi Lazuri svara, Ok’itxuşeni Supara coxote, Abxaziaşi Soviet Sosialist’uri Muxtari Cumxuriet’işi Oxen3aluri Gamaçkumaleş k’elen 1937 3’anas nananoğa Suxumis, İskenderi 3’itaşi coxote gamiğinu. Svara, Lazuri Nenaşi Maartani K’onferansis dek’lare xveneri Latinuri bonconi Lazuri albonite ç’areli ren. Svaraşi edit’oroba Seidi Koseşik, redakt’oroba Mamedi Vanlişik xveneren.
Lazuri nena ogurinus, am svaras tarixuri becitoba uğun. Am svara, Lazi berepeşa ok’itxuşi oguruş do oç’aruşi oxo3’onapuş misionite ixazirineren. Sovieturi Artobaşi p’rigurapaşi majurani sinifişi mufredatişa moxva am dersişi svarate berepeşa; metnepe, hekayepe, şiirepe, birapape, megnapape do suretepe k’ala nananena mutepeşi igurinen. Dersişi svaraşi metnepe mamgurepeşa, droluro do oranuro oxoi3’onapinen. Dersiş svaraşi çodinas doloxenepe k’ala isa-xilafepeşi list’e gez’in.
Dersişi svaras 85 xasila uğun. Dersişi svaras tudeni namtini Lazuri ok’itxuşi metnepe gez’in: Fevzi do Faik’i, K’oçi do mtuti, Parpalepe, Mjvabu, Çkimi dostepe, Ucoxinu musafirepe, Stvelişi oras orgu, Ç’ut’a çilengeri, Guroni m3kvit’ura, Zabuni fili, Divi çxomi, Elek’trik’işi monç’va, Musaşi derdi, Musafiri mjora, Udulyeli.
|
TÜRKÇE
